الصياد
الصياد يكون فارس متحــــــــزم واباتوا شايعين فرســـــان قوية
متحضر للصـــــــيد علامة يفهم هاذ الفن قرى عليـــــــه الكفاية
مثل النسر على الحجلة راه هجم كانت حرة وضرك رجعت ضحية
ياخوتي موحال من جرحو تسلم من عندوا صيفات من ولد لبيـــة
يعجبني بخصايلو ا بها نحلــــــم فيها شفت منام والفيــــــن روية
ارفدت سلاحي للصيادة نتعلــــــم للصحرة قاصدين شبان معايـــــــا
شفت جليبة جايتنا تتـــــــــــــقدم ومعاهم شراد سلبــــــــــــت عينيا
جيت نصيد لقيت روحـي مستسلم قست سلاحي ثم وارفـــــــدت يديا
قلتلــــــــها غلطان بن عمك ظالم ياريم الغزلان يا صــــــــــحراوية
قبل ولا نحبـــــــــــــها حبتني ثم في رمشات العين كانــــت بحذايا
قالـــــت لي بحديث شاعر متعلم هذا قول حكيم غير سمــــــــــع ليا
اسمع قولي كان راك انـــــت تفهم واستعمل تفسير تفهم معنــــــــايا
راه الحب بحــــــــال امواج تلاطم بحر الحـــــــب عميق مالو نهاية
كذا من اســـــــــطول فيه ويتحطم غاب مع لمواج شاو البـــــــــداية
كذا من صياد منها ما يســـــــــــلم ورماتو في بلاد ماهيش هنايـــــــا
ما كنتش بلقــــــاك في نومي نحلم غير الصدفـــــــــة جابتك بين يديا
قلتلـــــــها بالله عنك يا عــــــــارم كيفاش سمك غير قوليــــــــها ليا
قالت هاهو ليك بحروف منــــــظم جمع هذا البحور تلقاه سمـــــــايا
حرف الكاف كويتني كيات الســـم سمــــــك راه قوى على سم الحية
حرف الراء ربيت ولفك يا فاهـــم من غيرك موحال نهنى في الدنيا
واليا يــــــــــهديك ربي يا فاهم ارحم قلـــــبي يالــــــــخو حن عليا
حرف الميم محان قـــــلبي تتالم راه الحب صعيــــــب يا سامع ليا
و التا للتانيــــــــث في الاخر تلزم هاذو خمس حروف تعطيك سمايا
من لبيض سد شيخ هذاك المرسم واباتي شايعــــــــين فرسان قوية
اهــــــلي معروفين بالجور وكرم عرشي لعـــــمورات اصلي بدوية
قلتلــــها من كسال جاك المتحطم ولد البيض راه حــــــــــــبك بالنيا
زواطــي مسكين في الشعر ينظم لخضر ماينســـاك في هاذ الدنيا
بالحـــــــمد لله هاذ الشعر انتم والصلات عليه خاتم لـــــــــنبيا
سأكتب لكم بحرف التاسع والعشرين ..
موضوع: الصياد - زواطي لخضر 
الثلاثاء ديسمبر 22, 2009 11:02 pm
