قصيدة للشاعر المرحوم خليل روكز

قصيدة للشاعر المرحوم خليل روكز :

ما زال رح تبقى عاحبّي مكبّره
وما زال ما في عفو عند المقدره
انشالله تموتي وما حدا لدفنك يجي
وقيمكْ لوحدي ووصّلك عالمقبره

وصدفِه ان إجا إنسان تا يحملْ معي
بقلّلو تْركْني وبالوصيِّه بدّعي
من ميل* تحت النعش بخفي مدمعي
ومن ميل وحدي بكون حامل جوهره

وكل فشخه** كنتْ بقعد بستريح
بْزيحْ الغطا وبِتأمّل بوجهك منيح
وبسقي شفافك من عطش قلبي الجريح
وبطلب من عيونك شفاعه ومغفره

وكل ما ارتحت ورجعت قيمك من جديد
بصير صلّي تالقبِرْ يبقى بعيد
منشان إشبع والنعش يشبع نهيد
شبعِةْ أبد حامل بنعش الآخره

وغنّي فراقيات وسنيني الكتار
يدوبو عاداير نعشك الأبيض غبار
ونوقع أنا والنعش آخِرةْ النهار
وقعِةْ إبن مريم عا درب الناصره

وبرجع بقيم النعش عن أرض الهموم
وبشحد شوية عمر من عمر الغيوم
وبعود إمشي هون أوقع هون قوم
وضيّع نهاري بالمشي وعند الغياب
نوصل أنا وإنتي سوا عالمقبره

موقعي في الحوار المتمدن - عربي
http://www.ahewar.org/m.asp?i=2548

موقعي في تويتر
https://twitter.com/Fatiaa_F

موقعي في الحوار المتمدن - إنجليزي
http://www.ahewar.org/eng/search.asp?

مدونة موسوعة شارع المتنبي
https://shar3-almoutanabi.blogspot.com/

» قصيدة ((حنان)) للشاعر اسعد الروابة
» قصيدة ((حارس الليل )) للشاعر اسعد الروابة
» قصيدة رحلة السندباد للشاعر اسعد الروابة
» قصيدة الحب المجنون للشاعر الكوبي خوسيه آنخل بويسا
» قراءة في قصيدة (حلم العودة) ومتبوعتها (أحلم حلماً يتيماً) للشاعر منير مزيد - هيام فؤاد ضمرة