جزائر يا دوح مهدي
انا راجل قد حدّي
وطني واحد بلا حدود
ما تعلمت نعد بعد الواحد
هازعشقي في كبدي
وبــنار وحـــشه مـصهود
محــبّة وطـــني الخـــــالد
الّي يقرّب ليه متعدّي
يـلـــقانا زنـــاد البــــارود
والجــسد للفــــدا واجــــد
جزائري بويا وجدّي
بلادي تولد غي الاسود
سال التاريخ علينا شـاهد
جزائر يا دوح مهدي
ياحضن كبر فيه المولود
وشب عن حــماك وجــاهد
نتحدّا عديانك وحدي
غي بهــذا القلب العنود
انموت عليك يا وطني ساجد
يا لُمَّيْمَه حبّك يـردي
راه حبّه حبّه ولى عنقود
ما طفات جمرته ديـما واقـد
ماك وقـمحك يـغدّي
نرقـد ونــحـمد المعـبود
الّي في بر النّاس ماهو راقد
حبك يا وطني عندي
مثل حب الوالد والمولود
هو الكنز الباقي وربّي واحد
راه خـــراب جــوفي بـعدكم وقــــفر
حوجي ننظر للسـماء نرجا ابتسامه
قداش قالولي بالحب يــسعد البــشر
لكن الحب عندي صد ودمعه دوّامه
سأكتب لكم بحرف التاسع والعشرين ..
موضوع: جزائر يا دوح مهدي 
الأحد مايو 26, 2013 2:57 am
