ramzi nassim شاعر مشرف الشعر الملحون
اسم الدولة : الجزائر
| موضوع: يا قــلبي يا طيّب الأربعاء يونيو 06, 2012 8:17 pm | |
|
يا قــلبي يا طيّب يا مهــوّلني بــــلاش**ادمنت فيّا تـعذّب ما عـــرفت عـــــلاش شّيء راه يشيّب تبغي اللّي ما بــغاش**حرّان غي تسبّب توفا للّي ما وفــــــاش تشوي فيّا وتقلّب على نار ما تـطفاش**وتــحفر وتـــنقّب في جرحي ما بــــراش
ولّـيت يا حـوجي للأرســـام السّـــالـفا**نـراقب ونــراجي حبّة عــيني المــــوالفا ساكنا فالجواجي والقــــلب مْـــنَاصْفا**وحبها غي ساجي وهي تــــعلم وعـــارفا خوضت امواجي كـِـشُـــفْتها واقــــفا**ولّيت على ادراجي خـلّي تفــوت العـاصفا
ولفي مع غـيري ومعاها زوج اولاد**يا روحـــي طــيري وخــرجيني من البـلاد ليّام وش ادّيري لاش تـْفَرْقِي الَعْـباد**هــــذايا مــــصيري غي وجدولي الالــحاد دَّيْتِيلي عشيري القـلب ولالي رمــاد**يا ولـــفي ســــيري مـبروك حتى الاحــفاد
خلّوني مع الحزن نْــبَكّيه ويْــبَكِّيني**غــريب بــلا وطـن لا صــاحب يــــواسيني تــايه بــين المدن لا حـيط يـحميني**راني نـبكي ونحنّن لا حــــــضن يـــــدفـيني خيط المحبّه وهن يا قـلب خـــلّيني**مع الاغـراب نندفن ونــنسى اللي نـــاسيني
راه خـــراب جــوفي بـعدكم وقــــفر
حوجي ننظر للسـماء نرجا ابتسامه
قداش قالولي بالحب يــسعد البــشر
لكن الحب عندي صد ودمعه دوّامه
| |
|