أحمد شعيب "ابو علي"

أحمد شعيب "ابو علي"

طلعت غني تحت حمى السخوني
كرامة هالعيون ال
ناصروني

رغم ما ملوهجي
النيران فيه
إذا بشكي العجز
لاتسامحوني

انا معود
عحملات القويه
وبعد بالشعر ما جفت عيوني

انا قنطار
ما بدي إوقيه
جيبو كل
شعار المعنى

مع الشعار كُلن جربوني

بريق الجوهر الغالي ورنينو
قصر"يلدز" ومجد
الحاكمينو

وسر قبور فرعون
العجيبي
وأساطير الهرم
ومعمرينو

وخفايا قنابل
الذره الرهيبي
وصاروخ الفضا
ومصممينو

ومروج الخير وحقول الخصيبي
كلن ما بيسوا
بعين
شاعر

نظرة عاطفه من مناصرينو

عند ما بيندى المسرح زعيمو
زعيمو "زين"بجديدو
وقديمو

إلو نخوة
قصائد عنتريه
إن سمعها القبر بفيق رميمو

يجيبو مثل "زين"
الشاعريه شاعر
قادر المنبر
يقيمو

كثر ما بالعطى روحو سخيه
خلق من
ضيعه وبيت شاعر

وعمل إبنو على المنبر غريمو

إنت يا شاعر جبلي من رجالي
تفيق خاطري وكبر مجالي

الشاعر من نفس الله
تعالى
ورساله إن كان ع قد الرسالي

انا ان قالو غبت ونسيت لالا
عحالي بعدني ما نسيت
حالي

غبت تيريشو جناح الطفالا
طفالا العقل و الشعر
الخيالي

ليالي ال فيهن تجلى ولالا
خيالي ومين اغنى من
خيالي

عليي إتوحمو وكانو حبالا
إذا جابو بغيابي فرخ
شاعر

بدو يكون إبني بالوكالي

انا ما بقول هالحفله تحدي
ولا " حمدان" من اهل
التعدي

شاعر قاصد يثبت وجودو
مثل ما عاش غيرو يعيش حدي

إذا شفتو فشخ عتبة حدودو
مش قدران اعصابو يهدي

بكفي العاطفي بداعب خدودو
ما بقسى كثير عالورد المندي

يا أنصار الزجل لوما تجودو
علينا
بالمحبه و بالمودي

أسير الحظ ما كسر قيودو
ولا على المنبر بينقال ردي

انا ال منكم وفيكم شهودو
إسلكت درب العلا بسعيي
وجدي

ورحت تقول للغياب عودو
إنصدمت وصدمتي كانت ع قدي

بعد مني الشعر كثرو جنودو
وطيورو كل من تسلح
بعدي

وبنغماتو العديدي غص عودو
ومشي الجوهر مع نحاس
المصدي

بعد مني الشعر نكس بنودو
على "روكز" وغل الموت
يدي

وبكل حانوت والغاب وأسودو
عموت الشاعر اللي قال
"أجوى

وغفي جفنو بعد منها بمدي

إخفقي يا جناح أفكاري وطيري
وسلاح ال مش إلك لا
تستعيري

إبرمي فوق السهول وع الروابي
وبعين عناية الرحمن
سيري

روابي ال فوق منها العز رابي

وإلها ع رجال الشعر غيري

إساليها شو مركع ع عتابي
إساليها عالعجينه
وعالخميري

بعدني بقلهم مفتوح بابي
وعلى طموح الأرض نقطه
صغيري

ومثل ما بتأمروني يا حبابي
إنتو كلمتي وكلمة مصيري

وإنت يا أبن حمدان بغيابي

طلعت وعملت أسم بكل ديري

تعى وكفي دروسك من كتابي
تعى وأغرف من بحور
الغزيري

وعلى الحالين لا تحسب حسابي
إيدي ال طايلي عنك
قصيري

لأجل ولاد عمي والقرابي
وكرامي "بو علي" ال خلاك
تطلع

وفتحلك درب ع جوقه كبيري

» أحمد بن أبي شعيب
» كتاب "الرؤية الصوفية للجمال منطلقاتها الكونية وأبعادها الوجودية" الشاعر والباحث المغربي د. أحمد بلحاج آية وارهام
» " أحمد مطر " لمن نشكو مآسينا ؟
» الجزائري رابح ظريف (صاحب لقب "شاعر الرسالة" في برنامج "أمير الشعراء" لقناة أبوظبي): حاوره: الخير شوار
» "أمراض المسالك البولية والتناسلية" : "Urology & Kidney Diseases"