علاش يا ريـاح

موضوع: علاش يا ريـاح الخميس مارس 21, 2013 6:43 pm

عــلاش يا ريـاح جــايّه وتهبّي....تحْيي الجّمره من تحت الرمـاد

انا قلت نــسيت ودفــنت حــبّي....خـلّــيني نـعيش مـــرّه كـالعـــباد

وجايبه الوحــش عــليّا مْــجَـبّي....يـنبش جراحي هــاضو الاكــباد

و الله الفـــرح مـــا زار قـــلبي....مــللّي صـــدّو وســكنو البـــعاد

نخــاف يـــسبقني لــيها نـحـبي....وما تـلحق تــلبس عـنّي الحـــداد

علاش تفكري وذالقلب معبّي....قــــطران من حــزنه راه ســـواد

انا حـبّيت والـذّنـب راه ذنــبي....انا الجـاني حطّو في يده الاصفاد

داخـل الحرب وماني مـحربي....عريان صدري نـقابل في الجلاّد

يا سـيول الشّـوق غي صـبّي....ما يـــبرّد ليـــعاتـي غــــدير الــواد

حــامل جـرحي يـعلم بيا ربّي....و حــامل حــبها من بــلاد لبــلاد

عــلاش يا ريـاح جـيّه وتهبّي....تحـيي الجــمره من تحت الرمــاد

راه خـــراب جــوفي بـعدكم وقــــفر

حوجي ننظر للسـماء نرجا ابتسامه

قداش قالولي بالحب يــسعد البــشر

لكن الحب عندي صد ودمعه دوّامه

VIP اسم الدولة : الجزائر

يااا لرفعة وسمو ذائقتك

لا غرابة فأنت...

ملك الحرف و

" شمس الجزائر التي طلعت في سماء الأدب العربي..."

كما قال الرئيس الجزائري الأسبق أحمد بن بلة رحمه الله

VIP اسم الدولة : الجزائر

ربي يصبرك أخي و أستاذي رمزي

كلماتك تدخل القلب مباشرة .. تحس بصدقها .. لأنها فعلا مشاعر صادقة

أستاذي رمزي

تحياتي

.

» علاش يا غزالي ـ لطيفة رأفت
» Latifa Arfaoui - Aleesh Ya Qalbi , علاش يا قلبي
» NASRO alach manensach نصرو علاش انا مننساش