الحمد لله ما بقـــــــاش الاســـتقلال في بـــــــلادنا**والاطيــــــار الحــــرّه هجــرت وخــلاّت أوكـــرها
باشاغات و قـــــياد هــم ســــــــبايب هـــــــــلاكنا**كـــــلاب فـــرانسا رضــعو و حــــفظو افــــكارها
بهايم مـــــنافقين في لـــــــيلة عـــــادو اســـيادنا**وذريّـة الشـــــهيد الشـــريفه لجــــموها في ديـــارها
والمجاهدين الاحرار عــمروهم كرهو اجــــــيالنا**واحــنا جـــزائريين دمـــنا من حـــليبها وثـــمارها
درنا الامـــان ورحـــــنا للصّــــندوق بأصـــواتنا**وزعـــمه اخــــترنا خـــصوم لحــزاب وأنـــصارها
شـــربنا شــــاي بــضحكه ولـــعبه في قــعداتنا**نـــــقطه للنـــاخب الجـــــزاير ابــــطالها واحـــرارها
وغير رقــــدنا وصـــبحنا ســــمعنا اللّي فــــاتنا**حـسبة اللـيل ما يــعرفها غـي اللي جـــرّبها ودارها
واحــنا جـــــزائريين ســـلاطين جـــابتنا امــاتنا**غي ســالو فــرنسا شكون اللـي نــــوّض غـــبّارها
انا حــلمت بالجـزائر بـــيضاء تـحضن شــتاتنا**مـــن مــــغنيه لعـــين قـــــزّام صـــغارها وكـــبارها
من الـــــواد لبـــــشّارجـــزائريـين و اخــــواتنا**ومـــن تـــــندوف للقـــــــاله كــــل مــــدينه ودوّارها
العـربيّه لـــسانا وبالاســــلام حـــفظنا عــاداتنا**امـــازيغ وعـــرب عجنتنا الجـــزائرصلب اصوارها
رضـــعنا البـــزّول الحــــنين منه لــحم اكـتافنا**مــحال نــــخلّيها راها في الــدّم جـــرات باســرارها
نـــمسح وجـــهي بالعـــلام نشكيه للي صـابنا**يا حـــــبيبي انـــايا ويــــن وبــــلادي ويــــن ديـــارها
طـيشونا في البــحر رخـــاس المــوجه داتـنا**وشــــبعت فـــــينا الغــــــــربه ريـــاحها واعـــــصارها
وكالاطـيار الحــرّه لازم نـــرجع لأعـــشاشنا**مـا عـــــندنا لــــوين وكـــل بـــــلاد لــــيها اطـــيارها
نــبكي ولـــفي والدّنيا الخــدّاعه للّي عاداتنا**والقـــلب المــــهموم مــا بــــــغاش يــــــنسى مـــــزارها
البرلـــمان لـــيه عــــلماء الفـــقه ســــاداتنا**يـــــشرعوا مـــن الكــــــتاب ومــــن الســــنّه واثـــــارها
شــرع الله ومــن بعد اجـــــتهاد في حـــياتنا**والبـــاقي شــــورى على امـــــر الدنـــــيا واطــــوارها
فـــاقد الشــي لا يـــعطيه ويـــفيبد حـــاجاتنا**مــنين الجــــاهل غـــــادي يـــقنّن المـــــادة واصــدارها
وهو ما يــفرّق عـــدد ركــعات في صــلاتنا**وما يــعرف عــلاش الاديـــاك تـصـــيح من افـــجارها
يا صـاحب الشــكارة اخــبارك راهي جــاتنا**ريـــــح كـــــريهة وكــل شـــــجرة تـــــــفوح بثمـــارها
كيف تــنحّي الرّشــوه وانت للّي فيها فــاتنا**وتــبات بــــــرّه مــــثمول دارك مــــا تـــــعلم اخــــبارها
حــاشا الشّـهداء لمـاتو صافيين على بلادنا**بـــاش تــــجي انت اليـــــوم وتــــــقـعد بـــــين اخــــيارها
ابكي يا قــلبي عللّي راحت صدّت وخــلاّتنا**قــــدات الكــــــبدة و عـــــادت رمـــــاد مــــن نــــــارها
ابكي يا قلبي وزيـد وحشة الاحباب عـيّاتنا**يـــا درى نـــــــلاقي ولـــــــفي انــا ونـــموت بــــجوارها
هبهب الهـبهاب والقلب طــاب عللي نساتنا**جـــــدي الغــــــزال حــاحـاوها عـــلينا ما هـوش قـرارها
الحرّيه هي ولــفي هــكذا الجزائر ربّــــاتنا**الحـــــــــرم فــي النّــــــــار و لا الجــــنه في اسـتعمارها
قــريشي بن السّـعيد من المخادمه انـتاعنا**بــــــــسكرة عــــــــروس الزّيـــــبان والشــــرفه احــرارها
في الواحـد وثـــلاثين مــاي تـمت كــلماتنا**والصـــــلاة عــلى النــــــّبي كــــــنز الــــرّوح وانـــوارها
راه خـــراب جــوفي بـعدكم وقــــفر
حوجي ننظر للسـماء نرجا ابتسامه
قداش قالولي بالحب يــسعد البــشر
لكن الحب عندي صد ودمعه دوّامه