حاحح بردو حـضاني

قالولك عنّي بـــــدّال...وقلبي فالحــب جــــوّال...ما يـــدوم على حــــال
قالولك غريب وبرّاني**يــمهر منّك و يخلّــيك

قالولك عنّي غشّاش...يوعـــدك وما يوفــاش...وجـــرحك مـا يبــراش
يْقَــطْعـُو فـيّا عــيناني**باش انا انهون علــيك

تحدّيتي ذيك الاقوال...وسـمعتي قلبك يانـوال...تحــيّه يا بنـت الحـــلال
راه قـلـــبك ســـــعاني**وحــطني بـين ايـــديك

قالولك كـما قالولي...مازاد مانقص مِنْطولي...واش يجي من العـذولي
قالو كثير على لـساني**وانتي عــارفه نبــغيك

نــبغيك قـد الجــبال...وقد الصحره والرمـال...واكـثر من الدنيا والمــال
نبغيك بلهفة لعطشانِ**يـا ندى نمـوت علـــيك

نبكي بكي المفطوم...لِــسَّعْ حُـبنا يا فــطّوم...و فــرضو عــليّا نــــصوم
حاحح بردو حـضاني**العمرموحش بلا بــيك

وجا الزمان ولهوال...ما يحــاشي العــقّال...حــكم بحــــكمه القـــــــتال
ادّاك انــتي وخــلاّني**وحرمني نظرة عـينيك

عـيني ماعات تراك...راني نقاسي الهـلاك...كـالطــــير فـي الشـــــراك
كـسرو لي جــنحاني**ما لقــيت بـاش نجــيك

وحق الدّمع لِـسَال...والله مـــــــاني بـــدّال...يخـلّي لـي قلـبك يا نــــوال
كـما خـلّاني يلـقاني**ديـما راني مـتعلق بيك

دار فــيّا الامــــان...وانا يا ولفي انـــسان...مـا يــبدلش فــيّا الزمـــــان
ما يــهمّش مــكاني**غي قـولي نقـول لبّـيك