حسبتك في الهوى خويا..

حسبتك في الهوى خويا..
واكثر من الخو شويّا..
حسبتك من أُمّـي وبـويا..
وما تروح وتـسلّم فيّا..
خلّـيتني فـرجه لعــدويا..
ونا نـتقـلب مـن الكيّا..

حسبتك في العشق تومي..
وجـرحك يبكي عـينيّا..
حسبتك معاي عْلَهْمومي..
وماتخلّي الحمل عليّا..
وحدي وكثرو خصومي..
بعدك من هواللي بيّا..

حسبت لقيت انا سـعدي..
يديـر ايـده في ايـديّا..
ونرسمو الحلم الوردي..
الشّمعه تولّينا ثــريّا..
اسْ خَابْ ضَنِّي ياوَدِّي..
فرقنا الزمان يا بنيّا..

حسبتك الشـمس تـدفّيني..
وتنور دروبي الخفيّا..
وبرمش عــينك تغطيني..
وتحاحي الحزن عليّا..
خـــلّيت الـــواد مـــدّيني..
امواجهه تتلاعب بيّا..

حسبتك فالبحر شــراعي..
تدّيني لمـراسى هَــنِيّا..
حسبتك فـالدنــيا ذراعي..
وعـوني لِيذود عــليّا..
صدّيت وخلّيت اوجاعي..
فالقلب نيران مـقـديّا..

يا ولفي خـانّي الحساب..
نعد عْي بصباع يـديّا..
والزمـان عــنده كــتاب..
قال ما تعـوديش لـيّا..
وكّلت أمري للوهّـــاب..
عالم بلّي فـِي جْوَاويّا..