ramzi nassim شاعر مشرف الشعر الملحون
اسم الدولة : الجزائر
| موضوع: وعلاش ما نقــــولش نحـــبك السبت يناير 21, 2012 1:59 pm | |
|
وعلاش ما نقــــولش نحـــبك-****- وعلاش ما نقـــولش نهــــواك
وقلــبي انـــا راه ولّى قلـــــبك-****- وماعــاد يخــــفق غي بسـماك
ف المـــعادن راه ذهــب حـبّك-****- وفـالغــــربه راه مـــوت جـفاك
لونَسـِّيت قلبي يقــــول نحــبك-****- لـوخــيّرته بيــننا يروح مــعاك
وعلاش ما نقــــولش نحــــبك-****- وعلاش ما نقـــولش نهــــواك
سكنتي الكـبده وقــفلتي بــابك-****- وحبستي القلب يمشي برضـاك
ما طلقتي سراحي بعد غـيابك-****- ما طــلّيتي عـليّا مـورا الشـبّاك
تْبَكّـِيني ونستحلى انا عــذابك-****- كل يــوم بعدك يزيــدني هـــلاك
ما ضرّه كون تخلّيني جــنبك-****- ديريني مــرايا وفرجيني بــهاك
وعلاش ما نقــــولش نحــبك-****- وعـلاش ما نقـــولش نهــــواك
أنــتي روحـي والقلـب عــندك-****- وانــتي مــوتي لو مـــا نـــراك
ســعدي انا يـــجي من سـعدك-****- والمكتـوب فالجبــين عليّا ادّاك
لوتـتلم الدنيا راكي غِي وحدك-****- يا وحـشتي لســاعه انا ويــاك
اذا الحب شـرك قلــبي وقلــبك-****-راني ننسى روحـي وانا مــعاك
وعلاش ما نقــــولش نحـــبك-****- وعـلاش ما نقـــولش نهـــواك
ســـعدك يا نـــــوال حبـّــــيتك-****- وبالوعـــد قـلت لك مـا ننــساك
وفي مكــنون قلـــبي خبـــيتك-****- كشتلة الـورد بدمـــعي نرعــاك
غي نغمض عيني نلقا لقــيتك-****- والرّوح تروح لمّـولايا ومولاك
هـــكذا راد الله ودارني نحـبّك-****-وانا انـسان يا ختي ماني مـلاك
وعلاش ما نقــــولش نحـــبك-****- وعـلاش ما نقـــولش نهـــواك
| |
|
lehcen076 مرفأ غريب
اسم الدولة : الجزائر
| موضوع: رد: وعلاش ما نقــــولش نحـــبك السبت يناير 21, 2012 3:35 pm | |
| قصيدة رائعة مع الشكر والمزيد من الشعر | |
|
ramzi nassim شاعر مشرف الشعر الملحون
اسم الدولة : الجزائر
| موضوع: رد: وعلاش ما نقــــولش نحـــبك السبت يناير 21, 2012 10:00 pm | |
| - lehcen076 كتب:
- قصيدة رائعة مع الشكر والمزيد من الشعر
أخي لحسن
اسعدني مرورك وتعقيبك..
ويسعدني اكثر لو تتفضل وتشاركنا في هذا المنتدى..
سلامي لاهل المديه والقصر(ناس وعليهم الكلام ..)
تحياتنا أخي
| |
|