حبك انتي والله ما قاسوه

صبّار على صهد النّار-**-من الجواجي طالع دخّان
ما قَدِّيت لْوحـشكم مُـــوه
مْلهْلجْ ما جـات اخـبار-**-غبتو ماعاد خيالكم يـبان
زدتو معاكم لعقل ادّيــتوه
الدّار بعدت على الدّار-**-بَعدكم راني غريب لوطان
طيتكم قليبي و طــيّشتوه
ذبل جــناني و اصفار-**-طاحت وراقه ولى عريان
حتى لطيار راهم هجروه
يا خّاه دمعي المـدرار-**-على خدّي راه دار ويدان
طوالو لعوام وما حبسوه
يا ولفي صعب المزار-**-حرمو حتى شـوفة لعيان
حكموا على قلبي عدموه
قَطعْوُه كِمَيْقَطّع لْجَزَّار-**-ولاحو اطْراَفهُ لأيّ مْكان
لو صابو مِنْالدِّنيَا يمحوه
حـرقوه وذرُّوه غـَـباَر-**-لكن مـهما داروالعــديان
حبك انتي والله ما قاسوه
حبّي انا كحب الاطيار-**-القلب لوحده ماش اثنان
من قـال لازمهم يقـسموه
راه ليلي لحق النـهار-**-نسامر قليـبي والامـحان
ونرجى الله ومـتى يخطوه
نصبر ما طالت لعمار-**-غي ما يـعوّلشِ النّسيان
يَعْرفُو حُبّي غِير لِّجَرْبُوه
مَا تْلاقيناشْ فِذِي الدّار-**-نرجى يلاقينا الرَّحمان
مِش كِذِي الدّنبا بالوجوه

VIP اسم الدولة : الجزائر

رائعة من روائعك استاذي
الله يخلينا روحك الجميلة
ويقلل من حزنك

VIP اسم الدولة : الجزائر

استاذي القدير
كم اشتقت لهذا الابداع ولهذه الروعه الله لا يحرمنا من مواضيعك الاكثر من رائعه ........قوافل من النرجس والقرنفل الى قلبك

ريم عبير2011 كتب:: رائعة من روائعك استاذي
الله يخلينا روحك الجميلة
ويقلل من حزنك

مرحبا اخيتي ريم عبير

الحمد لله على رجوعكم الى المنتدى وان شاء الله ريّحتو...

ربّي يوفقك وينجحك في دراستك (راني ما نسيتش الباروك.هههههه..)

تسلمي لنا ريم

الخنساء كتب:: استاذي القدير
كم اشتقت لهذا الابداع ولهذه الروعه الله لا يحرمنا من مواضيعك الاكثر من رائعه ........قوافل من النرجس والقرنفل الى قلبك

مرحبا اخيتي الخنساء

العفو اخيتي نحن من اشتاق لمروركم..

تسلمو لنا و لليل الغربة

تحياتنا

VIP اسم الدولة : الجزائر

سلام اخي
شكرا لترحيبك وراني مليحة يسقسي عليك الخير
اسمحلي لكن وش من باروك؟
تحياتي
الريم

ريم عبير2011 كتب:: سلام اخي
شكرا لترحيبك وراني مليحة يسقسي عليك الخير
اسمحلي لكن وش من باروك؟
تحياتي
الريم

اذا لم تخونني الذاكرة ..اضنه باروك تخرجك في الدراسه (طبعا فيه باروك لتكن الفرحة عامة وما تخافيش ما

ندلل عليك "شوية دعاوي الخير من أختي خير من الدنيا وما فيها"ان شاء الله تتخرجي استاذة قد الدنيا بحالها..

المؤمن يحب لأخيه ما يحب لنفسه..

دمتي شحرورة الواي وربي يعلي كلمتك(الادبيه)ونقول هذه الاستاذة كانت هنا اختنا في ليل الغربة..

تحياتنا

VIP اسم الدولة : الجزائر

اسمحلي استاذي
لكن نحسب كاش حاجة فاتت ونسيت الباروك اما على التخرج فباذن الله بلا ما توصي خلي نتخرج برك ومش خصارة فيكم كل احبابي

» نشكي لك و انتي العارفه
» البوم محمود العسيلي - طول ما انتي جمبي 2008
» حلوين من يومنا والله ....
» شجرة للكل العوائل الجزائرية
» صار .. والله ما صار ... طب أنا بأقول لك صار .. ايه رأيك .. هتقول لي ما صار !! .. هقول لك صار .. وعلشان خاطري أضحك كركر .. أضحك كركر .. كركر ... أوعي تفكر .. أوعي تفككككرررر!!!