طليتي وتمسيتي يا شـمس الهـجاره
على قـلبي الغـافل هـيضتي هـبالو
ذوقتي و فطمتي حـلو بـعده مـراره
في جـنبي جـحافل وحـشك وتشعالو
ما شبعت العـين مـنك يـا مـسراره
ما شـفكشي حـال قلـيبي و تـهوالو
واجب عـليا نـبكي بالدمـعه الذرذاره
ما قومت الفصال راه شـقني بانـصالو
درتك في جـنب ليمين خـليتي مـاره
درتـك فـي الشـمال اشـيان حـالو
قـديت و فـنيت كالنـجمه الطـياره
توحـشتك يا نـوال و لا حد نـسعالو
يرقي لي بأيات الرحـمان المــختاره
يـنسى ما يسال قـلبي عـن غـزالو
و الا يـلاقـيني بـخـليلتي النـواره
والحـمد على كلحال انـا مـا نـسألو