المعنى .......

موضوع: المعنى ....... الأربعاء مارس 25, 2009 11:14 pm

احمد شعيب

قالو غبت يا شعيب سبع ثمان سنين
إسمك بجو
الشعر ما عاد لو رنين

جاوبتهم والقلب
عم يخفق حنين
بقصة غيابي
لا تكونو
ظالمين

بغيبة خليل الشعر كثرو
اللامعين
وسامع بناس
بحالهم مش سامعين

ولولا انا غيب
ويطول الغياب
ما في طليع ولا حدى
من الطالعين

طليع حمدان

طلعة طليع اللي الفجر منهاأقتدى
بتتوحم
عليها مشاعيل الهدى

ولما جنابك عحمى الغربه أهتدى
عغيبتك لبنان
ما ضيع صدى

ولما برجوعك البلبل الشادي شدى
لقيناك يابس
لا زهور ولا ندى

وبالرغم ما رجعت بسلامه ع البلاد
بتنعد بعدك غايب
وما في حدى

أحمد شعيب

يا ناكر زهوري وشذى معروفها ورهجة قوافي در
صافي حروفها

لا تزيحنا بطلعه غريبه ظروفها وقبل
الحكي عن سترها ومكشوفها

أسال الجماهير وزقيف كفوفها
وشعارنا وقلامها ودفوفها

غيابي غياب الشمس ورجوعي كمان رجوع الشمس ع شرط
إنت تشوفها

موقعي في الحوار المتمدن - عربي
http://www.ahewar.org/m.asp?i=2548

موقعي في تويتر
https://twitter.com/Fatiaa_F

موقعي في الحوار المتمدن - إنجليزي
http://www.ahewar.org/eng/search.asp?

مدونة موسوعة شارع المتنبي
https://shar3-almoutanabi.blogspot.com/

» المعنى الحقيقي لكلمة .... ببسي...