عطيتك حلو العمر

عْلِيكْ شِرِبْتُ الْمُرْ وَانْتِ اَلْعَسَلْ

وَمِنْ وَرْدَكْ اَنَا حْصَدْتِ الشُّوكْ

فْنِيتْ اَوَلْفِي صْبَرْ مِنْ غِيرْ اَمَلْ

غِي شُوفِ لْحَالِي وَاللِّي حَبُّوكْ

صَدَّكْ فَتَّاتْ الَحْجَرْ ذَوَّبْ اَلْجَبَلْ

مَالَانْ قَلْبَكْ عَنِّي مَانِيشْ عَدوُكْ

وْبِيكْ عَمَّرْتِ الصْدَرْوَدَرْتْ قَفُلْ

خَايَفْ لَعْيُونْ اَلْحُسَّادْ يْشُوفُوُكْ

اُنْثىَ انْتِ وْاَنَا ذَكَرْ حُـرَّه وَفْحَلْ

سُنَّةْ اَلْحَيَاةْ بَالَاكْ وَدِّي يْغُرُّوكْ

عْطِيتَكْ حِلُو الَعْمُرْ وْلِلْعُمْرِ اَجَلْ

وْيُومْ الَفْرَاقْ قُدَّامْ عَيْنِي يَدُّوكْ

بْكِيتْ جِنَاحْ تَكْسَرْوَجْنَاحْ اتْـبَلْ

وَالْكَبْدَهْ تَـنْزَفْ وَتَتْرَجَّا يْرُدّْوكْ

دَمْعَاتْ عَيْنِي مَـطَرْ عَلْخَدْ هَطَلْ

مَا حَنْ قَلْبَكْ وَالاَّ هُمْ مَاقَاسُوكْ

وَمْرَاسيِلْ اَدَّاوْ الَخْبَرْ لِيكْ عَجَلْ

مَارَجْعوُشِ لَيَّا وَالّاَ مَا وَصْلُوكْ

حُبَّكْ نُقْطَه فِالسْطَرْ وْبَعْدُه كْمَلْ

مَالْقِيتْ الَحْرُوفْ اللِّي يْفَهْمُوكْ

نسيم