يا قلبي دق

يا قلبي دق ما أحـلى دقّـاتك*---*وأغنم من العيش اللي بقالك
مـعزّك غي نحّـيه مـن بـالك*---*مكتـوب فالجـبين لازم نعدّيه

غِرجّع الجـلده على جراحك*---*تـبرأ وانت تـشوف صــلاحك
عـييتني بدمـوعك ونــواحك*---*ما بقــالي انا بــــاش نــفديه

اخـرج من لـيلك لصـــباحك*---*اسلى راها السـلوى ســلاحك
ريّحني يـطلق ربّي سـراحك*---*ومـعزّك والله مــاني معـاديه

امــــسح بالتّـــوبه جــــنابك*---*وديـر كل النّــاس احـــــبابك
ما يبكيش عللي انت صـابك*---*غي المجرب والحـديد فيديه

بكّــيتني يا قـلب على حــالك*---*متوحّش للي ماهوش قبالك
تبــعتك راهم خــبلو حـــبالك*---*واش يـسلّك العــقد للّي فيه

وكرهت ذي الدنيا عن جالك*---*وانت حزين شىء ما حلالك
طامع الزمان يرجّع غـزالك*---*كالوالد يرجى للّي هو مربّيه