ما بقــــــــــــاش فــــيّا
دَمَّـــرْ و زَعْـــزَعْ يَا رِيحْ فْــرَاقْهَا +++ كُلْ اللِّي بْنِيتُو مَا تْخَـلِّي وَاقْفَا
وكَـسَّرْ الْمَرْتَعْ وَ دَّرْ اَشْــوَاقْهـَا +++ مَا بْقَاتْ بَنَّه لِيهاَ اَلنَّفْسْ لاَهْفَا
اذا هي تـدلّع و جرحي راقـها +++ راني والـفت بجـراحي النّــازفا
اذاهي تسمع وطالبه طلاقها +++ راني قـد الفــدى وهي العـارفا
يَا الَحْبِــيبَه عَــفِّي++وْجِـي مَــرَّه فِصَـفِّي
وْكُـفِّي الصَّدْ كُفِّي++رَاهْ مَــا بْقَــاشِ فِــيَّا
يَا قَـلْبِي وَاشْ اَدَّاكْ لَـحـْبَالْهَا +++ رَاكْ تَـغْزَلْ وَتْـسَدِّي فِ الْوِصَــالْ
وْيُومْ الرْحِيلْ قَـدَّتْ بَجْمـَـالْهَا +++ اَدْزَا مَـاعُـتْ تَسْمَعْ رَنَّةْ الْخُلْخَالْ
صَـدَّتْ صَــدْ الْـوْدَاعْ وَخْــيَالْهَا +++ صَـوَّبْ لَلْغِــيَابْ وَلَّى مِـلْ مُحَــالْ
يَا دْرَى يَا قَلْبِي نْجِي فِـبَالْهَا +++ كِـيمَا خِـيَالْهَا فِي بَـالِي ْمَــا زَالْ
يَا الْعْـــزِيزَه طُـــلِّي++وْ لُوثـَـــاقِي حَـــلِّي
اَنَا قَــلْبِي يْقُـــولِّي++مَـــا زَالَــتْ هِــيَهِيَّا
غِي اَنَـسِّي فِي رُوحِي كْلاَمْهَا +++ وَنْصَبَّرْ الْقَلْبْ فِ رِيـمْ الَارْيَــامْ
غِي نَغْفَلْ نَلْقَى رُوحِي قُدَّامْهَا +++ وَمْـعَاهَا مَـا بْغـِيتْ نْـعَدْ الايّـَامْ
سَاعْفُونِي تْوَحَّـشْتْ ارْسَـامْهَا +++ الْوَحْــشْ صْعِـيبْ وَدْوَاهْ حَـرَامْ
شْكُونْ يْسَـبَّبْلِي نْــزُورْ مْـنَامْهَا +++ وْ بِـينْ رْمـُوشْهَا نَــرْفَعْ الْعْـلَامْ
يَا الْكْبِـــيدَه حـَــنِّي++مَا تـْـزِيدِيشْ عَـــنِّي
وَاللِّـي جـَـاكْ مِـنِّي++مَا تْلـُـومِيشْ عـْـــلِيَّا
عـِـنْدِي جَـمْرَه نْسَاهَا وَقّـَّـادْهَا +++ مِنْ صَــهْدْهَا حَـرْقَتْ الاكـْـــبَادْ
وْمِنْ وَحْـشِي انَا دَارَتْ اَوْلادْهَا +++ لَـــهْبُو الْقَـــلْبْ رَاهْ وَلَّى رْمَـــادْ
دَمْعْتِي لْحَامِيَه مَاصُبْتْ بَرَّادْهَا +++غِالصْـــبَرْ بِينْ شَــهْقَا وَالتَّــنْهَادْ
مَالِي فِالدَّنْيَا فَـرْحْهَا وْاَعـْيَادْهَا +++ وْ مَـالِي فِي لْمْحَبَّه غِي لَبْعَادْ
يَا الَحْنِينَه كُونْ تْلاَقِينِي++حَوْجِي مُحَالْ لَتَعْرْفيِنِي
وَتْجِي عَيْنَكْ فِي عَيْنِي++نْسَمِّيكْ وْمَا تْـرُدِّي عْلِيَّا
نْلُوحْ رُوحِي مِنْ عَــالِي كَـافْهَا +++ يَـدِّيهَا الْـوَادْ وْمُـوجُه الْجَحَّــافْ
نْطَيَّشْ عْـمَامْتِي وَلّيِتْ نْعَافْهَا +++ نْقَطَّعْ حْوَايْجِي ونْعَرِّي لَكْتَــافْ
نَهْمَل فَالصَّـحْرَا نَقْحِي جْفَافْهَا +++ نْمُــوتْ وْلاَ صَـدْ زِيــنَةْ لَوْصَــافْ
رَانَا فِـذِي الــدَّنِيَا غِي ضْـيَافْهَا +++ وْ مِـنْهَا نَا دِّيتْ حُبَّكْ وَالْكَفَــافْ
الْعُــشْقْ الصَّـــادَقْ مَــرَّه++وَ انَا قَــلْبِي طِيْتُه لَمْـرَا
وْمَــانِيشْ نَــادَمْ يَا عَـدْرَه++وَ السْــمَاحْ دِيـنْ وْ دَنْيَا
راه خـــراب جــوفي بـعدكم وقــــفر
حوجي ننظر للسـماء نرجا ابتسامه
قداش قالولي بالحب يــسعد البــشر
لكن الحب عندي صد ودمعه دوّامه