نَبْكِي لَكْ فَالسْـجُودْ

نَرْكَعْ نْعَظْمَكْ وْنَبْكِي لَكْ فَالسْـجُودْ

بْلاَ بِـيكْ مَا تْصَـوَّرْتْ انَا كِنْعُـودْ
مـِثْلَ الطِّيرْاللِّي قَصْبُولُه جَـنْحِيهْ

وْمَا حْسَـبْتْ نْشُوفْ بَابَكْ مَرْدُودْ
وْلاَ مَـنْ يـْرُدْ عْـلِيَّا كِنْـدُقْ عْــلِيهْ

هـَـايَم ْمَــهْمُومْ بَالنّـَـارْ مـَـصْهُودْ
مَا صُبْتْ الجَّـنْبْ اللِّي نـْرَيَّحْ فِيهْ

حْـسَبْتَكْ لِـيَّا انَا وْسَـعْدِي مَــقْدُودْ
جـَنْبَكْ مَا يْفَارَقْ جَنْبِي مَا يْجَافِيهْ

وَرْكَبْتْ بَحْـرَكْ وَانْـتِيَا الْمَـقْصُودْ
وَتْحَدِّيتْ امْوَاجُه وَتْغَلَّبْتْ انَاعْـلِيهْ

وَادَّانِي الْمـَالُو ليكْ مَاقَدِّيتْ نْعُودْ
فـُلْكِي طـَايَعْ لَلرِّيَـاحْ تْـسُوقْ فـِيهْ

اَنَاغـَارَقْ لْشُوشْتِي وْحَقْ الْمَعْبُودْ
وَنْسَالْ عَنْ الطِّرِيقْ الِّي يَدِّينِي لِيهْ

تْوَطَّـَنْ قَلْبِي عْـلَى ذَاالرِّيمْ الْوَدُودْ
اسْكَنْ جَنْبِي وْمَابْغَا زَعْمَه يَخْطِيهْ

نَسْهَرْ اللِّـيلْ وَالنْجُـومْ عْلِيّاَ شْهُودْ
وْنـَبْغِي وَلـْفِي يْرَيَّحْ يْغَمَّضْ عَيْنِيهْ

سَـقَّمْ لِي سَـعْدِي يَا سَـقّامْ السْعُودْ
يَا عَالَمْ سِرَايَرْ قَلْبِي وْاللِّي يْقَاسِيهْ

نَرْكَعْ نْعَظْمَكْ وْنَبْكِي لَكْ فَالسْـجُودْ
عَـبْدَكْ طـَامَعْ وْانْتَ اَمْـرَكْ تَقْضِيهْ

يَاعـَالَمْ بْحُـزْنِي وْجَرْحِي مَا يْكُـودْ
دَاوِيـنِي نَنـْسَى وَالَّا وَلْـفِي نْـلاقِيهْ

                        نسيم