ramzi nassim شاعر مشرف الشعر الملحون
اسم الدولة : الجزائر
| موضوع: نـــــــــــاس و نـــــــــاس الإثنين يوليو 22, 2013 2:07 am | |
|
نـــــــــــاس و نـــــــــاس
عـلاش ناس تحلى القعده بيهم...كـــلامهم كالشّــهد بـيه حـْلاو
و نــاس كـون نـفرّش ونغطيهم...يـــنْساو الـمـــزيّه و يـــتْعلّاو
و نــاس فـي القــلب نـريّح ليهم...ســاعات الخـــــير لـــيهم والاو
و نــــاس الـدّنيا ضــــاقت بــيهم...كـانّاهم مـلّي خـــلقو ما كْــلاو
و نـــــاس مـن الفـــرقه نــبكيهم...قـد مــا يطــول الفـــراق يــغلاو
و نــــاس مـــن ربّــي نـــبغــيهم...امـعزّتهم كالفــال ديـما فالشّاو
و مــهما بـــعدو نـــــفكر فــــيهم...مـا نلـوم عليهم ولو كان ينساو
وذو الدّمـعات اللّي سـالو عليهم...مـا جــفّو عـلى الخـد ما جـفاو
ســاكنين وســط القلب وكـافيهم...مـا عــيا بــيهم وهُــما ما عياو
كـون طلبو مــهجة الرّوح نعطيهم...و نــــزيدو نـــزيدو حـتّان يــرضاو
ونـعادو العـالم و هـم ما نـعاديهم...ونرضى بمر لعذاب و ما يشقاو
رانا حـطّينا مـــعزّة القلب فيِديهم...وعطينا لامان قاطعين ما يسلاو
ما حـسبنا الايّــام تـغدر و تدّيهم...وخـيوط المحبّه بالفــراق يـرشاو
والوحش في الكبده يحفر عليهم...يـنبش في جمرات ماحبّو يطفاو
حـشّمتك يا قلب انـسى وخـلّيهم...جـرح من الجْــراح اللّي ما بـْرَاو
وايّام لَعْمر اللّي بْقاوْ هكّا نعدّيهم...نتمنّى مـع النّــاس اللّي يـتمنّاو
حبّينا كالعشاّق ورْسينا مَراسيهم...وَدَّانَا الْمَالُو لَشْطُوطْ ما يَـتْرسَّاو
مـثل الَقْـتُوت المــوج يـقلّب فــيهم...مــرّه نــغرق ومـرّه عالْماء نعلاو
راجــيين الرّيح يْـهب و يــدّينا ليهم...والا يجـيب سفنهم لينا ونـتلاقاو
راه خـــراب جــوفي بـعدكم وقــــفر
حوجي ننظر للسـماء نرجا ابتسامه
قداش قالولي بالحب يــسعد البــشر
لكن الحب عندي صد ودمعه دوّامه
| |
|
عبد العزيز شرفوح مرفأ برونزي
اسم الدولة : الجزائر
| موضوع: رد: نـــــــــــاس و نـــــــــاس الثلاثاء يوليو 23, 2013 4:49 am | |
| السلام عليكم و رحمة الله تعالى و بركاته
بكل صراحة أحببت أن أقتطف أجمل الأبيات لكني وجدتها كلها جميلة و أكتبها لك بكل صراحة مع أنني قرأت لك عدة قصائد و راقت لي أجد أن لديك يمنى رائعة حفظك الله أخوك عبد العزيز | |
|
ramzi nassim شاعر مشرف الشعر الملحون
اسم الدولة : الجزائر
| موضوع: رد: نـــــــــــاس و نـــــــــاس الثلاثاء يوليو 23, 2013 11:00 pm | |
| - عبد العزيز شرفوح كتب:
السلام عليكم و رحمة الله تعالى و بركاته
بكل صراحة أحببت أن أقتطف أجمل الأبيات لكني وجدتها كلها جميلة و أكتبها لك بكل صراحة مع أنني قرأت لك عدة قصائد و راقت لي أجد أن لديك يمنى رائعة حفظك الله أخوك عبد العزيز مرحبا اخي عبد العزيز
يشرفنا انضمامك الينا ايها الشاعر الفحل.وشكرا على مرورك العبق..
ما انا الا هاوي الشعر الملحون اعشق قصائد غيري اكثر من قصائدي..
لاني اريد التجديد لهذا التراث الغني المعبر على عاداتنا وتقاليدنا السمحه..
مرة اخرى اهلا بك وسهلا في ربوع الشعر الملحون فاطلق العنان لجوادك وقول..
دمت عضوا نشطا تفيد وتستفيد بورك فيك اخي راه خـــراب جــوفي بـعدكم وقــــفر
حوجي ننظر للسـماء نرجا ابتسامه
قداش قالولي بالحب يــسعد البــشر
لكن الحب عندي صد ودمعه دوّامه
| |
|