يا ولفي نويت فيك بالحــــــلال.......وبكل جـــــوارحي راني نـــــــريدك
نــطفي السّـــــامور الشــــعّال........نــعطيك قـــلبي والعــــمر ونــزيدك
لمّـــيت روحــي من المــــحال.......وجـــيتك خـــاطب نـــــطلب ايــــدك
قـــــلتي اهــــلا بالسـّـــــــهال.......رانـي نضـــرب مـــــعاك ونفـــــيدك
جـــــيتك وجــــبت نــــــاسي........والفـــرحه في قـــــلبي رعّـــــــاشه
حـسبت ودّعت تهــــــواسي........وراحـــــت الدّمـــــــعه الجـــــــيّاشه
خـــلاص ما عـدت انـقاسي........ولا تــــبكّيني الطــــيور الوشـــواشه
وتـــهنيت طــاب نـــــعاسي.......والشّــــمل تـــــلم مـــــع الفــــــراشه
ضيفــــونا كما كـــان الحال.......تــقدّمت لــــبوك ياخّي هـــو ســـيدك
راني طالب القرب بالحـلال.......بنت الحـــسب عـــليها راني جــــيتك
على سنّة خــــاتم الارسال........قـــالّي على شـــــرط راني عـــطيتك
عطــيتك كـــــاملة الـــدلال........يا بـــني رضـــيت بــــيك وبغـــــيتك
قـــلت انــا ربّي عطــــاني........تـــقعدت ايــــــّامي وضـــــحكت لــيّا
قاللّي نــسال امها ثــــاني........وطـاحت الشّـروط كالصّـاعقه عـــليّا
رطل صياغه غي ذهباني........وعــشرين مــليون غي شــفقو عـليّا
سـيّاره وفــيلاّ بالجــناني........ورصـيد ملــيان مكــتوب عـلى البـنيّا
قلــتله منّي حدّت الرّجــال........اذا قـبلت تبـــيع لي العـــــزيزه عليّا
ماني بن حرام ولا دجّــال.........ولا عــندي مـــفاتيح خــزاين خـفيّا
هـذه صفقه فــيها احـتيال.........وين الدّين والاعــراف واهـل النــيّا
نلجم قلبي وندير الاغلال.........ونردم حـبّي تحت التـراب ارحم بيـّا
ياخّي الـزّواج شرعه الله.........وفـــرض نعتو لينا النّــبي الامـــين
النيّه شرط والرّضـا معاه.........وحـــضور الولـي وزيـد الشـّـاهدين
والصّداق قليله راه كـفاه.........نقـــول خــــاتم في صـــباع اليــدين
اللي قليل ماله ربّي معاه.........هـــو الرزّاق ما يــــكودوه الحــيّين
راه خـــراب جــوفي بـعدكم وقــــفر
حوجي ننظر للسـماء نرجا ابتسامه
قداش قالولي بالحب يــسعد البــشر
لكن الحب عندي صد ودمعه دوّامه