هب يا ريح ما تخلّي الجمره تطفا °°°°قــد ما نبكي ما تخـمد الجمرات
ونوض يا عجاج ما تخليها تصفا °°°°اللّي تعلّق بها قلبي راها مشات
ويا ســـعد يا للّي عــاطيني بالقفا °°°°حبّيت الورده طــيتني الشوكات
واللّي كان حـنان درتــه انت جـفا °°°°وخلّــيتني نشـبع بكي وتــنهات
واللّي كــانت فـي قــــلبي واقــــفا °°°°راحت ومـــعاها مـعانى الحـياة
واســيت قــلبي ما طاق °°°مـكوي بنـار الفـــراق
لــــيل ونـــهار مــشتاق °°°ما نــفع فــيه تريــاق
ســيّبته لقاضي العـشّاق °°°يحـكم عليه بالعــداله
حـكم عـليه حــكم صــارم ما عفا °°°°بالمـؤبّد ما عاد يعشق البـــنات
وكل يـــوم يـزور مــقامها بالحفا °°°°ويطيّح على جرّتها حرالدّمعات
ويــذكر زيــنها ما ظـهر وما خفا °°°°ويسال روحه لاه راحت ماجات
ويتفكر لقـانا ما كانش بالمصادفا °°°°امر القـــهّار ويا نـفسي الثبات
طـريقي وطـريق ولفي بالمخـالفا °°°°يا مصبّح معانا خمّم وين تبات
الله مــــــولايا يا رزّاق °°°يا مولى الخلق والاخلاق
جـيتك بالدّمع الرّقـراق °°°بجــاه النّــــبي والبوراق
لاقـيني بولفي مـشتاق °°°تعـــلم مـــعزتي للغــزاله
حــبّيتك اولـــفي وانـــتي عــارفا °°°°حطّيتك في القلب بين الروايات
تحت جناحي ما تقيسك العـاصفا °°°°وكالمّيمه تحضّب على لـوليدات
ما نــاكل حـتّى تـــاكلي وبالكـــفا °°°°ونشرب غي من القـطره لبقات
مانضن تلقـاي مثل حضني فَـدْفا °°°°وانا بــعدك راها عـــليّا خْــلات
وكاس الصّـبر من دمعي ما صفا °°°°خـاض بحري وعلّاو الموجات
قالوا يا كـحلة الارمـاق °°°اذا كـنت انت عـشّاق
الحــق لبــلاد واق واق °°°وما تسلمش بالفراق
انا جيت وجبت الصداق °°°بقات عندك المساله
راه خـــراب جــوفي بـعدكم وقــــفر
حوجي ننظر للسـماء نرجا ابتسامه
قداش قالولي بالحب يــسعد البــشر
لكن الحب عندي صد ودمعه دوّامه