الى لص غير محترف
نموت على عرضي و داري
انا عـايش بالعـفاف والكــفاف
لا نشوف اللي وراء اصــواري
وعيشي في الدنيا كالضـياف
مـــا قـــل ودل ذاك اخـــتياري
واللّي عــطاني ربّـي بــــزّاف
يكفيني حتّى يــطلع نــــهاري
مـانـي جــبان ولا انـا خــــوّاف
اللّي يقـرب يــذوق من نــاري
يامتعدّي على حـيط الاشراف
غي شـهّد واسـتغفر البــاري
ذاك حـقّي بالشّرع والاعـراف
و نمـوت على عـرضي وداري
بعـرشي ماني بــارد الاكـتاف
سال علينا التّـل والصــحـاري
وانت لاشيء باهت الاوصـاف
كقشة التّبن وسـط احـجـاري
لا سـماح مـا يــنفع التـلطـاف
مالك اعذار ماك معايا شـاري
وسخ في طريق لزم يـنظاف
طهروه بالماء تـدّيه المـجاري
صنف السّارق عُـرّة الاصـناف
ماهـو راجـل ولا من الـذراري
كالضّـبع يــخطف و مـا يـعاف
الجّيفه اللّي عافـتها البـراري
راه خـــراب جــوفي بـعدكم وقــــفر
حوجي ننظر للسـماء نرجا ابتسامه
قداش قالولي بالحب يــسعد البــشر
لكن الحب عندي صد ودمعه دوّامه