حطّيتك في الجوف

حطّيتك في الجوف

حطّيتك في الجوف خالي...يا ويلي...عـمّرتي اركانه بالكـمال...آلغزال

سكنتي في روحي وبالي...يا ويلي...عروسه محضيّه بالدلال...آلغزال

درتك في المقام العـــالي...يا ويلي...حـبّيتك وبـغيتك فالحـلال...آلغزال

استعليتي ماعتّي تسالي...يا ويلي...لا بـريّه مــنّك لا مـرسال...آلغزال

راه القلب ينـوح تــعالي...يا ويلي...والوحــش زايــد تــشعال...آلغزال

وانا الصّــبرمــا بــقالي...يا ويلي...لمـتى يـدوم بـنا الفـــصال...آلغزال؟

ما لظّك الشّـوق بحالي...يا ويلي...ما شدّك الوحـش بالحــبال...آلغزال

ما سهرت مـثلي لـيالي...يا ويلي...ما جـيـتك مــرّه في البــال...آلغزال

خلّي نبكي علّي جرالي...يا ويلي...نبكي حتى يقولوا هـــــبال...آلغزال

نريدالنسيان ما هدالي...يا ويلي...راه نـــسيانك مـن المــحال...آلغزال

يا ولفي كثرت اعلالي...يا ويلي...حــنّي شـويّه و الا مـا زال...آلغزال

ريّـحيني مـن اغــلالي...يا ويلي...راه بان العـظم من الاحمال...آلغزال

نوكّل ربّي هويصغالي...يا ويلي...ما يضيع عنده حتّى مـثقال...آلغزال

ما بغات الدنيا تحلالي...يا ويلي...مللي صدّيتي آشبه الهــلال...آلغزال

حبّك ذا سـفّه مـــقالي...يا ويلي...وقال على فمّي للّي ماينقال...آلغزال

وصدّك ذا فتت جبالي...يا ويلي...والصّبرعليك خـلاّني اطـلال...آلغزال

خبلك زاد في تخبالي...يا ويلي...راني نــنسج غي مل الخيال...آلغزال

على يميني وشمـالي...يا ويلي...غير غرباء والبــاقي عــذّال...آلغزال

كيف يـرضى بقـتالي...يا ويلي...قـلبك اللّي زعــمه لـيّا مــيّال...آلغزال

نشكي للمولى العالي...يا ويلي...راه الصّـبر مـنّي دار عـــيال...آلغزال

راه خـــراب جــوفي بـعدكم وقــــفر

حوجي ننظر للسـماء نرجا ابتسامه

قداش قالولي بالحب يــسعد البــشر

لكن الحب عندي صد ودمعه دوّامه