ياحّـي حـسبت قلبي غي بــلاّر ==== واللّي جا يكسره و يهرد ايّامه
نلقاه الماسه من خيار الحـجار ==== والايمان فيه يشع بـدد ظـلامه
نحمد ربّي عــطاني التصـــبار ==== والقلب المـولى يـمحي سـقامه
ما تغـرّيني يا دنــيا بالانــوار ==== قلبي نــوره الايــمان واســلامه
جــرينا وراك واحـنا صـــغار ==== والصغير راه كـــبر وشد حزامه
وعــرفنا طـبعك شـين ودوّار ==== لا تدومي انت ولا محاسنك دامو
وش مشيتي يا رجلي اسـفار ==== وش شفتي من حلاله وحـــرامه
وش يا ايدي مخالطة تجـــار ==== بخس الميزان ما عرفوا قـــوامه
وش يا لساني زعمه هـــدّار ==== ياخّي بـــنادم يـــــــتقيّم بــــكلامه
وش يا قـلبي المكوي بالـنّار ==== يا راكـب بــحر مـــدّيك تــلــطامه
ليك انت العـشق وليّا لضرار ==== اللّي بـغيته راح وبعدت ارسـامه
ما نفع فـيك نصح لا تـصبار ==== راني كالهبيل ف الخلا حط خيامه
قصـيره وان طـالت الاعـمار ==== ما تجيشي قد حبّك انت وغـرامه
شوف وش قدّمنا لذيك الدّار ==== والمومن يـقدّم صلاته و صـيامه
يا قلبي يا طيّب داوم الاذكار ==== وســـبّح لله وزيـــد نــفّذ كـــلامه
والصّلاة على النّبي المختار ==== سيدي مـحمّد ونزوروا مـــــقامه
راه خـــراب جــوفي بـعدكم وقــــفر
حوجي ننظر للسـماء نرجا ابتسامه
قداش قالولي بالحب يــسعد البــشر
لكن الحب عندي صد ودمعه دوّامه