ليـــــــــــــل الغربــــــــــــــــــــــــــة

ليـــــــــــــل الغربــــــــــــــــــــــــــة

منتــــــــــــــــــــدى منـــــــــــــــوع موسوعــي
 
الرئيسيةبحـثالتسجيلدخول
لكل الكرام المسجلين في منتديات ليل الغربة ، نود اعلامكم بأن تفعيل حسابكم سيكون عبر ايميلاتكم الخاصة لذا يرجى العلم برفقتكم الورد والجلنار
سأكتب لكم بحرف التاسع والعشرين .. لكل من هُجرْ ، واتخذ من الغربة وطناَ .لكل من هاجر من اجل لقمة العيش ، واتخذ من الغربة وطناً لكم جميعا بعيدا عن الطائفية والعرقية وغربة الاوطان نكتب بكل اللغات للأهل والاحبة والاصدقاء نسأل ، نستفسر عن اسماء او عناوين نفتقد لها نهدي ،نفضفض ، نقول شعرا او خاطرة او كلمة اهديكم ورودي وعطر النرجس ، يعطر صباحاتكم ومساءاتكم ، ويُسكن الراح قلوبكم .
احتراماتي للجميع

شاطر | 
 

 بعدي ناطر خبريي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
انطون سابا
مرفأ فعال
مرفأ فعال


اسم الدولة : لبنان

مُساهمةموضوع: بعدي ناطر خبريي   الأربعاء يوليو 25, 2012 7:51 pm

بعتمة ليلي شتويي
الـ بردا اشتد حواليي
شعّلت شويّة عيدان
وبعدي ناطر خبريي
***
بعدي ناطر حبي يعود
لنحقق شيئا موعود
بيني وبينا أحلى سر
نعملها خطيفي ونعود
***
لكتر مازادوا العزّال
وخوفي يغيروا الحوال
خطرت فكرة الخطيفي
وقلت بغني هـ الموال
***
الليلي مضيت نار ع نار
العواد صارت رمد جمار
وبعدي بتحسّر وبهم
وعيوني ع داير مندار
***
طلع عليي لماح الفجر
ليلي عليي كاين دهر
تلدوع قلبي كل الليل
وعقلي عم يهتز بغمر
***
جلجل بإدني الأدان
وعبروا ليصلّوا غلمان
قالولي كلمات قلال
تمنيت منن كون عدمان
***
قالوا بسلامة راسك
اشتد وظبط حواسك
حبيبتك أهلا دبحوها
لم عرفوا بسر خطيفاتك
***
الخبر صدم متل السد
جمّدني وعقلي مشتدّ
قلبي مني ولّى وراح
ووقف عندي زمن العدّ
***
صحيت بالعنايي مشدّدي
بأفكاري شتت مبدّدي
ولعنة محقون السيروب
بكيس كإنوا مزودي
***
وحدا امي عرفت سري
جتني تعزيني دغري
بدموعا لخسارة كنّي
ولساني مربوط ومبري
***
انقتلت مظلومي مقهوره
وعند الرب هيي طهوره
وحدي بيعرف هيكي سر
بعفتنا وعلاقه جهوره
***
قتلوها بس للعادات
مات قلبي معها مات
باقي خيال بهـ الدني
سرّح ع غيابا الدمعات
***
العادات بتبقى عادات
منرفعلا كتر الرايات
العالم صاروا بآخر كوكب
ونحنا بعدنا بالعادات
وبعدنا أموات أموات
الرجوع الى أعلى الصفحة اذهب الى الأسفل
Fati
المديــــر العــام
المديــــر العــام
avatar

اسم الدولة : فرنسا

مُساهمةموضوع: رد: بعدي ناطر خبريي   الجمعة يوليو 27, 2012 12:25 am

القدير انطون سابا

سعيدين بهذا الجمال المنثور في قسم الشعر الملحون والشعبي
الرجوع الى أعلى الصفحة اذهب الى الأسفل
انطون سابا
مرفأ فعال
مرفأ فعال


اسم الدولة : لبنان

مُساهمةموضوع: رد: بعدي ناطر خبريي   الجمعة يوليو 27, 2012 3:52 am

ألف شكر
الرجوع الى أعلى الصفحة اذهب الى الأسفل
 
بعدي ناطر خبريي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ليـــــــــــــل الغربــــــــــــــــــــــــــة :: الشعر الشعبي والملحون-
انتقل الى: