ماتسألش

ياانسان من الله عطيه
ماتخافش م الدنيا ديه
الهم فيها بالكوم أكوام
والحل ليها بين إيديا
*****
حلك بإيدك يابني آدم
انسى همومك الـ بتتقادم
بدماغك انت خليها تغور
وماتنسى بعدوك لاتشمت
*****
سامح ولك رب مسامح
ماتكونش هايج ولا جامح
انت كون بالقلب رقه
وح تحلا بوشك الملامح
*****
من آدم والكون بعدو كده
مالوش أمان ولا لوهشي هدى
بس خلي ضميرك صاحي
وربك ينجيك من العدا
*****
اعمل خير واسلك سبيلك
والرزق م العالي يجيلك
خلي رزقك ع الرزاق
وربك بدنياك دليلك
*****