ramzi nassim شاعر مشرف الشعر الملحون
اسم الدولة : الجزائر
| موضوع: اذا حبك هبال... الخميس يوليو 12, 2012 11:32 pm | |
|
اذا حبك هبال
مااوحش فراقك يا الصّاده بلا وداع_ماحسبت بعدْالْعشرة تقدّي تْـسيبيني
وتخلّيني بعد المحبّة نقـاسي لَوْجاع_كالفلك الخالي والموج ثاير معاديني
ماحسبت قلبي يبكي دمع للّي ضـاع_وضـيّع روحه عليك زعمه تحـبّيني
ياولفي بعدك راني كالفلك بلاشراع_وبحر الْغَرام هـمّال وين بْغَى يـدّيني
تهموني بالهـبال وخبري راه شـاع_اِذا حـُبّك هْـبَال انا نَـلْبسه وَيْـوَاتيني
قالولي للّي باعك لازم تـكون بـيّاع_ما قـدّيت نبيع جـواجيّا قلبي وعـيني
والقلب تمرّد عليّا ما سمع ما طاع_مكـتوبي الوفاء لمحـبّته وهوناسيني
مكتوبي نبكيه طول الزْمان الْخدّاع_فــراق ولـفي نارمِنُّه يا دنـيا يــزّيني
يا تغرابي وطريق ولفي راه قطّاع_مشتاق لنظره والا كلمه منه تكفـيني
اصبر يا قلبي الصبرراه ليك نفّاع_يفـرّج الله ويهدي ولفي وانا يـهديني
ياك الذهب بعد الصدا يولّي لـمّاع_انا ولـفي عـمري ما صدّقت يـعاديني
راه خـــراب جــوفي بـعدكم وقــــفر
حوجي ننظر للسـماء نرجا ابتسامه
قداش قالولي بالحب يــسعد البــشر
لكن الحب عندي صد ودمعه دوّامه
| |
|