ramzi nassim شاعر مشرف الشعر الملحون
اسم الدولة : الجزائر
| موضوع: اقـسم بالله وانـتي حــلالي الأحد فبراير 12, 2012 2:07 am | |
|
في منام ربي شفت غــزالي***كالعادة وســط مـراحو يســنْنَاني***ولطــيار حـــولو تحــــوم
حاط راسو وعـينيه لَتـْـوَالي***نـظرة حـزن يا ريتـو مـا راني***قــطعت قلـــبي المكــــلوم
ما صدّقت هــذا للّيِ قــبالي***اللّي خــلّيتو حسّـــون زهـــواني***بغناه النـــــــاس تصــــوم
اللي خـليتو كــروم ودوالي***يضحك للربــيع يــــشع مـــعاني***ويلـهم العـــاشق المغـروم
ويشوف للقمر تنور لــيالي***ويـمسح جـبيني تغـيب احــزاني***ونمــيل كـالطـّـــفل للنّـــوم
غي يهـمسلي يـتبدل حـالي***نبغي نـفرفرونـطيربـلا جـنحاني***وبـــلاش مـاء انــايا نعـوم
بكيت وبالدّمع قلت سـوالي***واش دارو فـــــيك يــا حــــنّاني***واش دارو ذوك القـــــــوم
نطق وحق المـولى العـالي***خـاض بحــري وزلزل كـــيّاني***وحــيالي الجــمر المـردوم
صوته جرْني بعـيد للتّــالي***ما بـــقالي تـــاريخ مـن زمــاني***كـل ايـّامي حضرو الــيوم
باعوني للرّخيس مِـلْغــالي***شَـــهّرْ بِــيّا لِلـنّـــاسْ وَ رْمـَــاني***لا خـوال عــندي لاعـمـوم
شفت عـن يميني و شمالي***وتــفكرتك جــيت بــين اعـــياني***شـمعة وعـطاوها لمـظلوم
هانت عـليّا اثــقال احمالي***قـلت يــمكن مـا زال مـا نــساني***كنت عــندو غـالية السّــوم
ما نسيت ما خطيتي بـالي***يا ولـفي مـازال حــبك دخـــلاني***وشـام عـلى قلـبي مـرسوم
مازلتي في عـيني غـزالي***يـرتع ويــولّي يـــنام فاحــضاني***راها روحي فداك يا فطوم
اقـسم بالله وانـتي حــلالي***محـال لا نـــسلّم فـيك انا ثــــاني***ولو كـان الـدنيا عــليّا تقوم
| |
|