ramzi nassim شاعر مشرف الشعر الملحون
اسم الدولة : الجزائر
| موضوع: مكتوب الخميس فبراير 09, 2012 3:45 am | |
|
مكتوب بالحرف العربي***مكتوب وشـــام على قلبي نمشي على الجمر حافي***نتـبّع فـللّي قلبو جــــافي نحط على التراب جنبي*** نـرقــد و نســــتغـفر ربّي ونــــبكي بالدّمــع الدّافي***نــسامح وقلــبي صــافي
مــكتوب على جــبيني***نــــعشق البـــحر ويدّيــني ونــشرب مــــــاه المـالح***و ما ينــفعني تــــقدافي ولــفي تـرى واسـيني***وامــسح دمـــــعة عـــيني يـــمكن يــــرجع البـــارح***ويـخـفق قلـبي مــعافي
مــكتوب يـا الحـــنينا***مــكتوب مــاش بأيـــدينا بــعدمـا الشّـــمع يــــقدي***لا بـدّه يـــولّي طــافي واللّي كــانت زيـــــنا***تــــــروح و تـخـلـّــــــّينا مـــعاها العـــــمر يــــعدّي***ماعندو لْوقت لْكـافي
مكتوب يا المكتوب***علاش غــــالب ومـــغلوب ما كــان فـالحب عــــداله***وين هُوالْكـيل الْوافي قـــدّاش مـن قلــوب***ذا مجـروح وذا مـــصلوب وذا نـــــــيرانو شـــــعاّله***يستنّو البلسم الشافي
مـكتوب يا مكـتابي***بالمــــر زيّـــــنت عـــذابي وحــكمت قلـبي الحنــين***قطّعتو بالموس لْحافي بعّـدتني عل حـبابي***وحــــــدي طـــال تغــرابي ما عــرفت نــْـرَوَّحْ منين***لَمْـتىَ يـْدُوم طــْـوافي
| |
|