ramzi nassim شاعر مشرف الشعر الملحون
اسم الدولة : الجزائر
| موضوع: لـعبة النـــفاق الثلاثاء فبراير 07, 2012 3:36 am | |
|
الطـير يهــاجر ويـولّي لــوكرو***والماء يروح يروح ويولّي لمجراه***ماحلى لـقاء يجي بعد لفراق وش يحبس الدموع اذا حضرو***والقلب المغــبون اذا تـــــفكر هواه***وش قــدّو للصبر والاشواق
مازال حـضني يفــوح بعـــطرو*** كـــانّــــاني لــذركه قـــــــاعد معاه***واحــنا نــلعب لـعبة النـــفاق
فـتنا كــــلام الغـــــرام وذكــرو***وعـجــــــبنا كـــــلام يضــاد معــناه***اللي يشـوف يحـسبو شــقاق
كـزوج حــــمام بـــينهم نـــقرو***ولــوين يـــطـير يلــــحق مـــــوراه***فـراقه شــويّه وراه ما طـاق
تقــوليلي ما نـزيدوش نــهدرو***لازم تــبعد عـن طـــريقي واخــطاه***ما خــصني صحــبة لا رفـاق
قــدش قــبلك حــبّو وغـــــدرو***ما نحــبكش ويـــعوّض علـــيك الله***اطـــلب ربّــي قــسّام الارزاق
ويطلع لي الغــاز مــشعّل نارو***ويـسحّب حـــالي يــصعب صــــفاه***اخــرجي من قلبي راه ضــاق
كون تبقاي انت ولباقي هـجرو***ما نــشوف لـــــزينك ما نــــــرعاه***ف ليلة عرسك نـطلب الطلاق
يتبدل لـونك وعـينــيك حـــتارو***وتـــساليني اذا انا نـــقصد مـــعناه***ويجيب الجـد دمـعه فلا حداق
يذوبو ثلوجي بدمـوعي قــطرو***ونــضمّك لصـــدري تحــــسّي دفاه***وتـسمعي دقّـات قلبي العشّاق
ينـوّر وجــهك كالبــدر ســحرو***ســبحان الّلي صوّر حــسنك وبهاه***ذا الحب ما ينباع في الاسواق
يا ولــفي حـكمو عـــليّا ونحرو***صــدّوك عليّا جــرح ما كــان دواه***لا طالب لا طبيب عندو تـرياق
يا حــنّة قلـبي عــينياّ احـــمارو***واش يــــدير العــــبد مـع مــــولاه***غـي نـــبكيك بـــدمعي الرقراق
قلعو ريــشي وجــناحي كــسرو***ورمـــاوني في بير وحــطّوّ غطاه***يا عيني بعدك مــوحش الفـراق
مــثل الجــــبال لقــلبي عــصرو***قـــــطر حـــنين راه فــــراقك فـناه***والدمـع طالع من الجوف خنّاق
آخـتي قــوليلي كــيفاه نـــصبرو***ذا القـلــب اليـــوم دمّــــرني وفـاه***مشتاق مشتاق لكحـلة الارمـاق
آلمـــيمة انايا اليــــتيم زهـــــرو***نبكي على سعدي ما نقـول عــلاه***الموس الحافي شــبّعني ترشاق
وحـكمة مــولانا نـــطيعو امــرو***والمـومن يقــنع بللّي ربّي عـطاه***بالصـبر والحـمد يــعدل الاخلاق
[b] | |
|
Fati المديــــر العــام
اسم الدولة : فرنسا
| موضوع: رد: لـعبة النـــفاق الثلاثاء فبراير 07, 2012 12:43 pm | |
| ساأصلي على سيد المرسلين، سيدنا محمد، سيد الكائنات ، ربي يزيدك نعمة الحرف | |
|
rabiedz مرفأ غريب
اسم الدولة : الجزائر
| موضوع: رد: لـعبة النـــفاق الثلاثاء فبراير 07, 2012 10:20 pm | |
| راني نقرا علاجالك موش على جالي نتمتع صح بلقراية بصح منيش فاهم وين راك رايح راك دوختني | |
|
ramzi nassim شاعر مشرف الشعر الملحون
اسم الدولة : الجزائر
| موضوع: رد: لـعبة النـــفاق الأربعاء فبراير 08, 2012 2:20 am | |
| - rabiedz كتب:
- راني نقرا علاجالك موش على جالي
نتمتع صح بلقراية بصح منيش فاهم وين راك رايح راك دوختني أ خي الربيع
ما ادّوخ يا خويا ما تحتار**ما تحوّس تفهم ذي لضـرار**اللي قلبه خالي منالدمّار**يحمد ربّي اللي عـفاه
اذا أنا بحت بذي الاسـرار**انا اللي ضاري زعمه صبّار**قلبي طاب مـنكيات النـار**مـريض مالقيت دواه
بـــحر الحب ما له قـــرار**موجه حنينه وموجه اعصار**هــكّه تــلعب بينا الاقدار**كلحد وش ربي عطاه
مع اصدق تحياتي الاخويه
[b] | |
|
alim072009 مرفأ غريب
اسم الدولة : الجزائر
| موضوع: رد: لـعبة النـــفاق الخميس فبراير 09, 2012 12:07 am | |
| والله توحشتك يا أخي نسيم ونوحشت كلماتك اللي داويلي قلبي اخي وصاحبي نسيم انت فريد من نوعك | |
|
ramzi nassim شاعر مشرف الشعر الملحون
اسم الدولة : الجزائر
| موضوع: رد: لـعبة النـــفاق الجمعة فبراير 10, 2012 12:55 am | |
| - Fati كتب:
- ساأصلي على سيد المرسلين، سيدنا محمد، سيد الكائنات ، ربي يزيدك نعمة الحرف
اللهم صلّي وسلّم على سيدنا وحبيبنا محمّد
الله يبارك فيك و في حرفك
اسعدني مرورك
تحياتنا الاخويه
| |
|
ramzi nassim شاعر مشرف الشعر الملحون
اسم الدولة : الجزائر
| موضوع: رد: لـعبة النـــفاق الجمعة فبراير 10, 2012 1:01 am | |
| - alim072009 كتب:
- والله توحشتك يا أخي نسيم
ونوحشت كلماتك اللي داويلي قلبي اخي وصاحبي نسيم انت فريد من نوعك :star:
يتوحشك الخير أخي وابن عمّي عليم
نحن افتقدناك في ليل الغربة هذه مدة..ما عتش اطوّل علينا يرحم والديك..
تحياتنا أخي
| |
|