جـــبال مُر الصّـــبر ما تقضي لي

يا عام جايبلي الجديد والا كالعـاده********جايب احزان ودمعه لازم نبكــــيها
واش قليــبي يـــزيد فالصبر زياده********وحشُه نيران ما صبت لّي يطـفـيها
دموع اثمادي بكات بيهم الوسـاده********وانّات الولهان عييت انايا نخبـــّيها
كنتفكر ولفي ولله مـنّي الشـــهاده********يهون الزمان وبعـمري انايا نفـديها
والسنين تعدّي عليّا قاسيَا جَحّـاده********مارات انـسان فالْحُزن راه معــدّيها
ذايـب كــبدي في نيـرانه وقـــّــاده********والقلب الْحَنّان بالدّمع يصـبّر فــيها

يا عــام واش راك انـا مخبـّــــيلي********كثرة احمالي لازم نصبر ما نخلّيها
الحــــزن بعـــساكرُه معمّر لـــيلي********والرجا خيوطُه راشيه مـتعلق بـيها
والقلب متوحّـــد بالله يـــــدعــيلي********مَايْحسْ بِالْجّمرَاغِي لِِّعَافسْ علــيها
والاشـــواق غــير تـــلم وتملــيلي********كل كـــيّه لازم أنايا نتعــذّب بــــيها
خاويت كل غـريب بهــمّه يبكــيلي********نــبكي مــعاه ليـــعتُه أنا مربّــــيها
جـــبال مُر الصّـــبر ما تقضي لي********عــللي صـدت وقليـــبي في يـــديها