انا اسف يا امى

انا اسف يا امى

انا اسف يا امى
ومتزعليش فى يوم منى
ما الغربه هى السبب
وبعدك عنى يا امى دايماً يزيد همى
يا ست الحبايب انا زعلتك كتير منى
يا ما سهرتى الليل على مرض جسمى
يا ما تعبتى كتير فى حملك وانا فى بطنك
انا اسف يا امى
انا اسف لو تركت وسافرت
ولو كانت غربتى زفت
انا اسف
اصل بلدى يا اماى مفهاش لقمه عيش
ما فيها غير العطل والقسوه والقهوه والشيش
فيها شاب صايع وخنفيس وواحد من قله الشغل
على الذباب بيهش
فلو سافرت يا امى ارجوكى معلهش
سيبينى يا امى اسافر
علشان اقدر اعيش ومن الجوع ما موتش
وان شاء الله هارجعلك يا ست الحبايب
هارجعلك رافع راسى وما هاكون خايب
هارجعلك وانا منصور
فادعيلى يا ماى لما اكون غايب
عمرى يا اماى ضايع وانا فى بلدى
معيشتى فى بلادى زليل
ولو اتجوزت ماهيقدر يعيش ولدى
ما انتى عارفاها يا اماى ما هيا دى بلدى
ولو طاوعتك يا اماى وجلست جنبيكى
مش هنلاقى عيش حاف وهموت نواحيكى
فمتزعليش يا اماى لما اسافر واسيبك
ومتحسيبيش غربتى لانى راجع وجاييلك
وراح توصلنى يا ماى كل مراسيلك
دى سنه الحياه وهاسافر وجاييلك
ومتزعليش وانا اسف وهارجع ابوس ايدك
وهامسحلك دموع عينك بورق مناديلك
انا اسف يا امى
بقلمى