السردوك تحزّم و قال يا عباد

[center]

السلام عليكم و رحمة الله
لقد لام علي أخي علي..لماذا أكتب على الحزن و لا أكتب على الفرح..و نزولا عند نصيحته التي أعتز بها جادت قريحتي بهذه الكلمات..و اليكم الحكم عليها..لانها اول تجربة لي.


السردوك تحزّم و قال يا عباد***ما بقات عدالة في ذي لبلاد
انا دجيجاتي ولاّولي اضــداد***يفوتو حيودي ما يشوفو ليا

ياخي انوض على عين لفجار***نحمد الله راه طــلع النـــهار
نتفقد دجيجاتي ونعد الصغار***وما نريح غيركي يدوروا بيا

تعلمو دجيجاتي دارو اتحاديه***قالو لي ما بقاش الحكم بيديا
خربولي عشي بنات ليهوديا***بغاو لمساوات كي أنا كي هيا

والله ما نــقبل هــذي لـحكام***ولو يضــحو بيا بعد الصـيام
والا يعطوني مملكة النـعام***ما نخلّي دجيجاتي نتجي المنيا

جاه استدعاء مالعداله عاجل ***عند القاضي تسرع ياغافل
البومة بنظاراته قاضي عادل***و الغراب راه وكيل جمهوريا

الهدهد محامي ليما عندوش***و الحضار ساكتين ما يتكلموش
دخل السردوك ميّت مرعوش***و قـدام القـاضي قــدم التــحيا

قال القاضي راك خارج لقانون***انت متوحش ما تبغي التمدون
وننفوك لقطب الشمال مرهون***حتى ان تفيق و تأمن بالقـضيا

قال السردوك سامحني سيدي***انا عــايش عـشوائي وتقلــيدي
و دجيجاتي خرجوا من ايدي***مليوم رانا متساويين فلحريا

ما عت انوض كل صباح***ما عدتو تسمعو مني صياح
و نزيد نكتف ليا الجناح***و ما نوضش الصباح حتالعشيا

و انـظف الدار و نفرّش***وننشر الغــسيل بـرّه يســمّش
ونجي في ركنه نتكمّش***ويأكلني الذبـاب مانحرّك يـديا

وف الليل أول من يرقد***ما نحــيرش راسي مانـــتنهد
ولونشوف الذيب يترصد***نقاقي كالدجاجايعني بعّد عليا

و الصباح يخرجو الجاجات***و يخلولي نحضن البيضات
واذا شفت الحاله عليا اخلات***يا حوجي ينفعوني غيرجليا

وليت ويلي الحزن فيا يريّش***نبكي وبلا فــراش مــطيّش
ودجاجات قدامي غي تتقلّش***ويغنو"انا واحد ما يحكم فيا"

والدجاجات لي دايرين وعده***كل يوم تنقص مـنهم وحده
و السردوك يتململ علمخده***ملعون الّي بالفكرة طل عليا

الدجاجات راه شــفهم حـالو***اتلموعليه وبســياسه ليه قالو
رانا يا سـيدي بـلا بيك والو***انت الراجــل ومول العــقليا

فلحين هز راسه و صات***وهربت من قدامه الدجاجات
وقال لهم هذه هي الحيات***ياو أنا لــيكم وانـتم بالكــل ليا

مثل ما قالت فاتي وكأننا أمام ابن المقفع
نص هايل ويقتل بالضحك وفي نفس الوقت هااادف فيه حكمة يعطيك الصحة وربي يخليك خويا علي لانك بينت هاد الموهبة في الاخ رمزي

صديقي نسيم
انت شاعر الكلمة وشاعر كل وقت

[quote="bingoali"]السلام عليكم

شكرا أخي نسيم لأخذك طلبي بعين الاعتبار
و عفوا أختي ريم . فقد أردت أن أخرجه من بونفة الحزن
لكني أعتقد أني سأدخله أنا اليها بيدي مرة اخرى هههههههههههههه
ليس لأن ما كتبته لم يعجبني بل لأني أكره السياسة فقط
و كما قالت الاخت فاتي هو نص مسيس باسلوب ساخر
من خريف خبيث لبس قناع الربيع بلون أحمر

ننتظر جديدك في ميدان أخر :)[/



[b]



أخي و صديقي علي

والله أعتز بنصائح أصدقائي و اخوض التجربة و انا مرتاح البال المهم اني ارضيت و لو واحدا..
صدقت لما قلت انك تريد ابعادي عن الحزن..و لكني متأكد انك تعرف"دخول الحمام مش كخروجه"اي اني ما خرجت من واد حزني و غربتي الا لآخذ جرعة اوكسيجين و ارجع اكتب دفاتري تحت الماء..
اذا شكرا من صميم قلبي على"يد تمتد نحوي من خلال الموج مدت لغريق"
اعتبر شعري دفتر يومي ادون فيه ما احس و الاقي من هذه الدنيا..هكا خويا
تفنى الاجساد و تبقى الكلمات..

احتراماتي و مودتي