يـا قلــبي يـا مجروح

يـا قلــبي يـا مجروح**يا كثــيرالنــــواح
يـا مـــودر صـــلاحـي**نـــحط عــــليك الكــــيّا
تفــــضحني وتـــبوح**وتعرّي ع-لـجراح
الوجـع عـاد صـاحـي**والطــعنه ما زالت حـيّا
حزني يحضر ويروح**ما رجّـع اللي راح
وانا في بحر نواحـي**صـــــابر عـــــلى الأذيّا
لالــي طـبيب نـصوح**يريّحني من لقراح
يقـول للكـبدا رتاحي**القـــدر قـــال مـاش هيّا

دير جنــحين وعللي**واسكـن قـمة لجبال
وحـزنك شـد حــبالو**ليـــعــود يـــــرجــع لــيّا
ما تخلليـنيش مدللي**ما نرسى علىحال
كـالوطن فــقد رجــالو**بقا عــــاشق الــحــــريّا
غـير تــوب وقــللي**نشد مـعاك الرحـال
ونهز حــملك واثــقالو**وتــــعود مـــولى عـقليّا
يا دنيا عليا حـــللي**نبغيك هــذا مــحال
طـالقه وبثـلاث امــثالو**مـــاني لــيك مـــاكي ليّا

بعد مــحبة الحــمام**ربيـته طوير قــدامي
مــني شـربه وطـعامو**حـــضنته بــــين ايــديّا
طال ريشه يا سلام**يحـــط بحـذايا يـسامي
ف الحب تعلمت كلامو**بـالاشــارة يفـــهم فــيّا
يغـرد بـزين لنــغام**خلخل جسدي وعظامي
ويكثر عــليا تحـوامو**عينيه ما يخـطو عــينيّا
حـبي ولالي سقام**مـا حــب كـــيفي آدامي
لا اهل الحب واقوامو**جربو اللي في جـواجيّا

اسمه حلوفي فمي**نسمّيه علىالــدوام
ونتـــفكر ارســـــامو**وكـــل اللي فـــات عليّا
حبه جرى فِدمي**مجرىالنـور فـالظلام
دوا لجرحي والامو**وعــلقم السام يــأكل فيّا
حبيت بلا علمي**يا قلـبي أنت الظـــلاّم
تابع فــاللي عـامو**راك جنيت عـليها وعـليّا
راه طاق ضيمي**ما شفا جرحي كلام
الصبر زاد تعدامو**دمعه عليها ودمعه عـليّا