يا دمـعه قـولي لاه تــسيلي.*.ويا قلب لاه تـرجع الكــلام
ذا الحزن وين كان مخبيلي.*.وين كان ذا الغرام والهيام
راه نهاري يفوت مثل ليلي.*.غشيم و مغـرور يا ســـلام
الايـــام كــــــــانت تـــوجد****احمال الحــطب والوقـــيد
وعــيـون الحــــب تـــرصد****خطواتي لقـريب ولبـــعيد
وجْــدولي كــانون يـــصْهد****من جـذع النـخل والجريد
ويـوم جاءالشراك ف رجلي.*.احـكمت أضيمي بــلا حكام
فــتشت نـشوف لي قــــبلي.*.الي يــعلم يوريــلي بالتـمام
راني غـشيم ماني حــــيلي.*.جــابوني للبحروماني عوام
كتــفوني بالســلاسل مـحدد****بأقـفال باليا كـلاها الصـديد
الطـيرالحــراذا حـكم يــهمد****راه جناح يرفرف وما يـفيد
نــحط كيه عل الزهرمسود****من العز راه قــلبني للعــبيد
بعثو غزال بالغنج ينـــاديلي.*.الفـــم وردة تــطلب في اللــثام
اللماح سود بالسحر توميلي.*.نـظرة العشق تـرمي بالسـهام
والقد ســلبني لعـقـل حـليلي.*.عيني ما شافت مثله ف الريام
الدم فــي عــروقي تـــجمد****ما بغاش يجري في الوريد
صوتي الفصيح راه تهدهد****ما فهمت كــلامي لي نــريد
ولغزال مذعورماهومتعود****لا تخاف الصيد مابقىصـيد
والله يا قـــلبي يا عــليلي.*.راني نخاف عليك يوم الفطام
توالفها وانا تضيع دليلي.*.ماني قدك ماني قد الخــــصام
تقول لا وتقول انت خليلي.*.ونا كالطير بين زوج طــوام
الولف لاح شراكه يجبد****شبعني عذاب قهر وتمـــرميد
جرني عالشوك والجلمد****كيدير لي ساقوه وما يـــــريد
سال دمي علجسد مكبد****اذامت قالي راك تولي شـــهيد
يا نـخله لاه عــليا تــميلي.*.وتذوقـيني ثمارك شاو العـــام
كــذقته قـلت لـيك زيـديلي.*.ثـمار الجنه خـلقه رب الانـــام
كفاش ننسى الي وكلتيلي.*.بين الجنه والنار راني هـــوام
هـولني غــرامك مـا نــسعد****ما نشوف الهنا و لا الرغيد
غربني حبك منهو لي يسند****لي نــتكأ عــليه يهرب بـعيد
قـلبك مـا لقى غي انا يصّيد****والا عجبك دمع ليحبه جديد؟؟