ريـــح يــجلجل جـايني مـن الربـــع اركـــان
وغـــيم مــهول غـطى على ربـيعي وصــفاه
مــكتوب مـعجل خـطف ولــفي مــلاحضـان
على موتي معول واش بـقى لي من غـيرالله
قـــد مــا نــوح راه الدمـع ما بـرد الجــواجي
مــسكن الروح عـاد لي خـراب يرجع صداه
القلب مجروح ولا طالب عطاني دوا يفـاجي
بقـيت مـلـيوح ضـــري اليــوم صـعب دواه
ربـي يا ربـي وش ضميت انا بين الاحضان
موس في قلبي و الا سـاحـر مـا نعرف لــغاه
قــد مـا نـخبي و الا نقــول راه اللي كان كان
ســميته حـبي و كي قبــلته خذا عــقلي و اداه
نــرقد عــارف راها ما تخطيني ذي الاحزان
وانوض لاهف ترى اليوم ياتيني بللي نرجاه؟
فالصيف الصايف قلبي يتمنىلي منه عـطشان
طالقة السالف عل الخد العكري راه زاد بـهاه
جبـــينها نهار الله اكبرعـليه مــنور الاوطــان
والمـبسم جلنار فــيه الجـوهر مصفوف وتــاه
والعينين اقمارذبلهم العشق والسحروالاحزان
المقدوده خيار زينها يـسبح للي خـلقه وعطاه
الــيل تـناصف و النوم سكن عينيا راني تعبان
نستغفر خايف مـولايا ربـي ولا الــــه الا الله
رنـين عــازف طلبوني و النمرة راها ما تبان
حوجي علهاتف حـسبته ولــفي غــادي نـلقاه