نوادر زجلية

موضوع: نوادر زجلية الأربعاء مارس 25, 2009 11:25 pm

نوادر زجلية

قال نعمان شبلي في سيدة بشعة :

كل البشاعَةَ ربّا جَبَلهَا ْوفِيها َصّبا

الي تجوﱢزها مْحَيّرني من اي مَطرَحْ حَبّا

******

قيل الى احد مدعي الزجل بحفلة عرس:

رْجاع لِْوكْركْ يا جلبُوط عِنا شو رَحْ بتلا قي

يا غني مْعَنى مظبوط يما سَكّرْ عَ ا لباقي

*******

قال رشيد عساف للِصْ كان يسرق قصب مص:

يَلْ عَمْ تِسْرُق قصب َمصْ من الدفتر لا تْحَوْقنِي

انشالله بْتِتْشَرْدَقْ وْتْغِصْ ان كان ما بتْدَوقنِي

*******

قال اميل رزق الله بعد فشله في محاولات عديدة

للحصول على مخابره هاتفية:

هالتلفون الملعون كان من الافضل ما يكون

عَجَحْش حمار مْقصّرْ بتوصل قبل ا لتلفون

********

ﺴﺄ ل احد الشعراء فتاة عن سبب الوَرَمْ الذي اصاب شَفتَيْهَا

فاجابته : بيظهر فيهم عسل , عَقصُتُن نحله, فقال لها :

هالنّحْلِهْ يخربْ ذوقا شو مَهْضُومِي وْعَيّوقا

مش رح ﺇحكم عَ شفافك حتى ﺇعْقصْهَا ْودُوقا

نوادر زجلية

عندما وضعت احدى بنات طانيوس عبده ابنتها برباره , ارسلت الى والدها هذه الرده:

برباره الله يْعَيّشهَا نْجُوم الجَو ْتنَاغِشْهَا

انشالله بتكبر وبتعيش وْجِيْبِة جِدّا تِنْبِشْهَا

فاجابها والدها:

هِزِّيلا بِالمَرْجُوحَا وِانْبِسْطِي بْخِفِّة رُوحَا

ولا تتعذب بالتفتيش جِيْبِة جِدَّا َمقْدُوحَا

**********

دخلت احده السيدات وتدعى "ِشنّا" الى دكان لتشتري علبة دخان اسمها " غليظه" وكانت الطريق

ضيقة مما جعل دخولها يزعج الشاعر ريمون هدلا , فقال لها اثناء خروجها من الدكان:

َبدّي ِقلك يا ِشنّا هَالعِلْبِه الِقلِْتي عَنّا

ما طْلّبْتِيهَا غَلِيظَهْ لَو مَنّك اغْلَظ مِنّا

********

قال احدهم:

يا رَب خْلَقْت الحِلْوِين تَ تْعَذِّب قلب الانسان

يا كنت خْلَقْهُن بِشْعِين يا كنت خلقنا عِمْيَان

قال اديب الحداد عندما كان مارّا امام مسبح:

هَوْنِي الدّيمُوقراطِيّة بَسْطُ وْكَيفْ وْحُرِّيِّة

بْتَعْرِفْشِ العَبْد من السّيد ولا السِّتْ مْنِ النّوريِّة

*******

قال احدهم لانسة تحمل شمسية:

عُيُونِك لَو لَمْسُونِي لَمْس بِحْيَا لَوْ كِنِّي بالرَّمْسْ

الله يعين الشّمْسيِّة الفَوقَا شَمْسْ وتَحتَا شَمْسْ

» قصيدة زجلية بعنوان هذا هو حال بعض الشباب
» نوادر من كتاب الاذكياء لابن الجوزي .