الشاعر غانم هاشم الفياض

أنتمــاء

انتمي لكل الطيور الخالطت دمهه بدمي
انتمي لكل دمعه حلوه وضحكه حلوه ابكل شفايف آدَمي
انتمي لكًـطرة نزيف اتساوي كل لمعة شعرنه الملحمي
انتمي لميزان اهلي الماغـّرف فد يوم جـّفه المـّايله
وانتمي لكل جلمه مني وكل حرف مكتوب بيدي وكًـايله
انتمي لسوك الشيوخ البيه ثالث علم طب جان ابوي الشايله
انتمي لنهر الدموع ابعين امي المانشف فد يوم ريجــه
انتمي الكلمـــــن مشـــــــه ابدرب المحبــــه
باع روحه ومارضــه ايبطــــــل طريـــــــجه
انتمي لكلمـــــن يبـــات الليـــل جايــع
مادنت نفــــسه واكـــــل خبـــــــزة صديـــجه
انتمي لبستــان جدي الما يحب بستــــان مثلــه
وانتمي لكل نبته غصبن عالجروح البيهه تعله
واكـره النخله التحمل مره وحده ومن تحيل اتحمل سله
واكـره ابنادم مثل عصاة موسى الينكًـلب كل ساع شكله
آنه حبيت العراق ووعلكًت بعيونه اهدافي ومصيري
ماتخثر دمي من طول الطريج ولاعثر جدمي ابمسيري
وغيري من ساوم عله حدود العراق وباعه غيري
وغيري ماكمــل طريجـــــه وطـــــاح غيـــــري
من آكـــــــل مني الحصـــــــار ماكلــت من قوت غيري
صـــــــح بـــــعت مـــــــره قمــــــــيصي
بس جنت معذور من بعت القميص حتى لا بيعـَن ضميري

غانم هاشم الفياض

زائر

شكراااااااااااااا
على القصيده الرائعه
لبن منطقتي غااااااااانم الفياض

» الشاعر هاشم طعمه السلمان
» قصيدة ملحونة يرتي فيها الشاعر أباه نظم الشاعر عبد المجيد وهبي " ترجمته في تراجم الشعراء بالمدو
» جميل عثمان غانم
» هاشم بن هاشم
» يحيى بن هاشم