شعراء الفن الموهوب

قصيدة المحبوب امبارك السوسي

طال تهانك يا محبوبي خاف من الله
واش لحبيب يدوز حبيبو يرجع ليه طليب

قال يانا سيدي عمري منويت خيالك عني يغيب
بعد لموالفة و شروط الصحبة برموك صحاب الغتبة
علاش طولتي ذا الغيبة يالجافي خاف من ذنوبي
جرح قلبي هواك جرح لا صرت طبيبو عشق الزين صعيب

قال يانا سيدي ترى تصبني متسلي ترى نغيب
ترى تصيب حالي مثل المجدوب بالهوى هايم غير اللوب
والعقل بغرامك مسلوب كل يوم نصرف مكتوبي
صابر لو عدت قصتي عالجبال يريبو والشبان تشيب

قال يانا سيدي والى تزور رسمي نتسلا في قريب
معاك الزهو باغي نسطابو هاتلي كاسي بشرابو
احسودنا بالجملة غابو على وصولك يفجاو كروبي
يا الهاجرني بغير سبا فغرض ارقيبو ليك الله حسيب

قال يانا سيدي نارك يالجافي لهبت قلبي لهيب
اهل لغرام مثلي ما يعابو كل زين بحق احرابو
عاشقو نخدم فركابو بعد يغلب يرجع مغلوبي
و الى نغلبت ياك جرحي لمليح طبيبو عمري ليه نهيب

قال يانا سيدي جرح لمليح ما ينفع فعلاجو طبيب
غير الى تداوى بدوا المحبوب والوصول علاج للقلوب
للذي بغرامك مسلوب نهار يوفى ليا مرغوبي
يظهر رسمي من جمالك من بعد حجيبو يه الله رقيب

* قال يانا سيدي انت مع احبابك سالي وانا غريب
جعلت فيك ميلافي و احبابي دايرك واحد فصحابي
ضاع ليي بالهجر خطابي بك كنت نشالي فحروبي
ظنيت الخير في امثالك ونويت نصيبو ورجع لي بالعيب

قال يانا سيدي و ما مدحت في جمالك باللفظ العجيب
وما رغبت بلساني من طلبة ياك تسخر لي لمحبة
معاك ما نفعتني كتبة عييت نكتب و نسيت كتوبي
و الكاتب لي نصرفو صابر عن تعذيبو فرج الله قريب

قال يانا سيدي وانا عليك قلبي صافي مثل الحليب
وانت القلب لكحل سود غرابي بعد حجبتك فحجابي
على الغدر صبتك رابي قالت اهل الشعر الموهوبي
الغدار يموت بالغدر دغيا يظهر عيبو واللي دار يصيب

قال يانا سيدي وعييت ليك ندمم ودموعي سكيب
ولا شفقت من حالي و عذابي ولا عرفت اش كان سبابي
معاك يا مصباح هدابي فرغ صبري و قوات عجوبي
و ظهر للحاسدين سري من بعد حجيبو يالبدر المجيد

قال يانا سيدي واليوم درت تكلاني فالله المجيد
جيد ما يخيب ليا مرغوب ربنا يغفر لي و نتوب
دخيل لو باللوح المكتوب * نهار يوفى ليا محسوبي
يجعل قبري رياض فجنان الخلد نصيبو فجوار الحبيب

قال يانا سيدي وانا نويت بعد وصولك سعدي يطيب
واليوم من جفاك عضايا شابو قوسك رما لي نشابو
والرضى سديتي بابو الى وفى لي نغني مرغوبي
قلبي بسوايع الزهو يتباشر بنصيبو فجمالك العجيب
شمس لفلاك ضوات حجوبي وتجلى نورها
على البيدا بعد حجيبو من برج التهذيب
من خيول الصحرا مركوبي بازي في الجو
الى يصرصر لطيار تهيبو يخمد فرخ الذيب
يالحافظ حلة موهوبي هاك الياقوت
موثق من جوهر ترتيبو من ماهر و لبيب
صول بقوافيا وازروبي والجاحدني
درهمو يكشف من تشبيبو بوجادي وصليب
مايقد يجاوب بعروبي وسلامي للشياخ
في كل نهار لهيبو قد امطار سكيب
يالجواد ليك هروبي ترحم عبدك
مبارك السوسي وستر عيبو يا علام الغيب

الحـــــــــــــــــراز
الشيخ الحاج بن قريشي

مال الحراز الدامي ما يتيق بي هيهات
غير حاضي الاوقات
في ثيابو مسلم وافعايلو رومية

مال الحراز قضيب البال
ما يجاور عمرو جيران
عاس على القتلة مشمور
جامع اطرافو ما يندى
و إلا انظرت بحالو جلدة
وقت ما نجيه نصيبو عبوس
ألطيف ألطيف, واش نعمل واش المعمول
باش ناخد هاد المكروه
في غراض اللي نهواها
أش من حيلات يسرقوه
باش نظفر ببهاها شكيت
لاصحاب الحال والاهوال
عشقو مدلالة من تسال
دوب جسمي و انا نحيل
ما نقوى لاصحاب اللطام
و الهجرة ترجع بالسقام
و بعدها
يا ناس المحبة قلت أراسي
ما يلي إلا نتحزم عن عقارو
هادا خشبة من الخشب ما تچديها نار
رادي من عليم سود الشفار
وأنا عاشق صبار
طال تعبي و عييت نساعف الرديل البهات
و إلا رطاب بحيلات
عييت ما نتدمم محال يا من فيه

جيت لو في صفة باشا
من قنوت العظمات
بالعلوم ورايات
و الطبول تنتچر و الخيل و الرجلية
محلتي مشهورة خلفي بحزمة
بالساﭼات
جات المشهورة جات
و المباتة وجبت
ضاقت العشوية
حين قبلت عليه و شافني قصدت لمبات
قام هز الخطوات
ما بغى يلقاني ولا ليه حاجة بي
سار هارب لرسامو سار بالعزم لا تلفات
ينفز بالخلفات
كل قامة أسيدي فعبارها متنية

مال الحراز الدامي ما يتيق بي هيهات
غير حاضي الاوقات
في ثيابو مسلم وافعايلو رومية

قلت لاصحابي سيرو ليه
بالعزم دغية دورو بيه
وتقوه و جيبوه حتى يكون قدامي أمامي نزنچو
و نفرجكم فالمقيت
ادا جابوه و يوجبوه
قلتهم زيدو بيه بعد سليت السيف عليه باش ندميه
نطق بموجب الشرع
قال أنا بالله و النبي
تعمل لي حق يا الباشا
ما أنا إلا نايبة
والسلطان الله ينصرو
و يدوم علينا سلامتو
و يعز الباشات و الخلايف
وقياد الحكام
شياخ قبايلنا
رعاية الملك العز الهمام
بهم يفخر منهم حالنا مسكين
و ﭽلين حامد الله على الهنا
في هبة الملك تعيش العباد
احنا طاعة لله
قلت لو لاش عليك أخايب الطبيعة
تهرب أصاحب الخديعة من ضيف الله
يا الباخس ياك أنا ليك جيت
قاصد ناخد مالك مع رقبتك
وجبت برات سيدنا مطبوعة
المير كلمتو مسموعة
والله ما يفيدك مني حتى هروب
قال أصاحب الأمير لا تكتر هضرة
هدا كلام مرجوع عليك
راك بالخزاين واصحابك عند كلمتك
العساسة حارسين
ادريو الغرة كاملين
أما داري حرام تدخلها لو نمشي فسبيب البغلات
لا تقوي لومات
لا تخوفني لا تقلي الحوت علي
ياك للدين وضيف الله الجوامع تبنات
فالمدن وقريات
هكدا سيرتنا احنا اهل البادية
ضيفنا ما يدخل للدار ما تقيسو عترات
فين ولاه يبات
فالربيع مع الصيف و ساعة الخرفية
والمسايد فايام البرد كاينة والغرفات
خود صحة الانعات
كان ردتي الحقيقة كون تصغى لي
عساك أنت ياباشا قوم شلى عدات
كلمة المير كفات
لاش تطمع فالدار اللي محصنة محضية

مال الحراز الدامي ما يتيق بي هيهات
غير حاضي الاوقات
في ثيابو مسلم وافعايلو رومية

جيت لو في صفة الغلام
نخدمو طاعة دون كلام
قلت ياسيدي أنا وصيف
المحرر حررني اللي شراني
ودعني فسبيل ربي
قصدتك لاكرام قلبي
ونويت الخير فيك
جابتني الايام ليك
وانا مرزاق
وأسمي مبارك
واللي مبروك كتخدمو الاحرار مع العبيد
انت ودك ربي من متاعو واعطاك المال
لا تكني ما عندك
مني دام لو
حيت انت راجل وحيد
وانا نتسخر ليك فالمسايل البعاد مع القريب
عسى تعمل لي شي نصيب الكسوة والصباط
الايجارة يسمح فيها عبد الجواد
إلا قبلو عليه إحوزوه و يكرموه ما يدوزوه
وهو ما يدوز سيدو
و الدنيا سايرة والايام تفوت
خود ليك راحة واغنم وقت السرور
وانا نتسخرليك شين تامرني
وخفيف العضام مسروق على الرمشة
كل ما تمرني ضني نفعلو
هدا حق الوصيف
الطاعة لسيادو
قال لي سير فحالك
لا تطوف بي لا تقربني
ما نخالط الكحل و ما نعاشرو
طول زماني ما كسبت الكحل
ما خالطتو ما حملتو ما عاشرتو ما قبلتو
ما عندي خير فيه
غير إلى كان خلوق فمكاني و زيادة فالمراح
وانا ظاهر لي فيك جيتي تختلني
تغدرني فشي مسالة بعّد مني و سير
كفّي لا تمشي دون غرض
يا بو دعوات
يا قبيح الخزرات
كل من كسبك عندو فيك غير السية
قلت لو خاف من الله لا تكون
تجهل الاشيات
الخلايق صفات
كل خلق اسرارو في ادواخلو مكنية
قال لي سير فحالك
لا تكون تحضي الغرات
من خيار البيتات
ما نكسبك و لو نسكن فأرض خلية
عسّاك أنايا بقبيلتي و ناسي عزوات
رادّين الكسرات
ما وقفت عليك لسخرة و لا لحمِيَّة

مال الحراز الدامي ما يتيق بي هيهات
غير حاضي الاوقات
في ثيابو مسلم وافعايلو رومي

الدار
سيدي قدور العلمي رحمه الله

واش ما عار عليكم يا رجال مكناس
مشات داري فحماكم يا اهل الكرايم
***
كيف ما ينكد قلبي من شفاية الناس
كيف ما نحزن يا بعدي على المراسم

وكيف بعد فراق اوكاري نروم الجلاس
حوز بوطيب لو نملك الغنايم

شموس بصري الأشراف الطيبين الانفاس
جفيتهم لا زال دوازي عليه نادم

حمايتي واهلي واحبابي وعز لوناس
حوز وكري ملقاهم عالقلب شاهم

كيف ينجى من تلاني عقاب الاجناس
وكيف يربح من خلاني تليف هايم
***
من قوة ما صبرت عن فرقة رسمي
حتى قالو ا نشفت من ندوة الكلام

فرحي للناس ظاهروحزني مكمي
سني يضحك وساكني بالجمر ظلام

مرسمي خويا الشقيق من يويا وامي
واش ينسي فمنزل لغريب الاخ الهمام

نصبر عن عين العدا ونخفي همي
وندير كما يدير فالواد العوام
يرخي العضا معاه ويساعف الغشام

هكداك سعفت ببصري صروف الايام
قل ديي وقوى صمتي وصنت فمي

ما قدرت على صلح ولا نجمت الخصام
واشتغلت مع الدنيا الفانيا بهمي

من لقاني يحسبني من جملة الكرام
ومن بغضني مايعرف غير دي شتمي

اخترت قصيدة مرسومة فرق قرطاس
مديح عجمي مايدري فاللغا نغايم

كغزالة حضرية من بنات اهل فاس
معنقة شي عبد من ضناية الصماصم
***
يا سرف الناس من بغالي د الجليا
وفرح قلبو على محاني واكداري

ياسر ف الناس من عطف قلبة ليا
واشفق من حالتي وبكاه غياري

يا سر ف الناس من ضحك وطنز فيا
يوم فراقي مع احبابي واوكاري

ياسر ف الناس من فتا الري عليا
وزين لي غالخروج من عتبة داري
ومشيت فليلتي من الساعة كاري
****
ما كترني بحبابي ايلا نكون فالخير
يظل وكري ويبات بمجمعهم عامر

شحال من صاحب توجد وكم من عشير
ايلا يكون طعامي فكل وقت حاضر

براطل الدار حديرةغير تنقب تطير
كيف حوت المشرع يجري عل الصنانر

هكداك اصحابي دارو جميع بالكاس
يوم اصبحت خالي لا مال لا مراسم

حق الغاني من عشراني يهز لي الراس
تقول عمرهوم ما كناوني بآسم

الكود:

من روائع الشعر الملحون للا ...باني لسي التهامي المدغري
________________________________________

هذه القصيدة لامير شعراء الملحون بدون منازع سي التهامي المدغري
عاش ايام السلطان مولاي عبد الرحمان العلوي وكان رفيق دراسته وجليسه
قال له يوما *انك ملذذ المعاصي. فاجابه بل اني ملذذ المعاني يا مولاي
كان سي التهامي فقيها شاعرا رغم ما اتسمت به اشعاره من قول فاحش رحمه الله

القصيدة

ملا كوى بنران كيف نيراني

مرتاح خاطرو هاني

هداك ما عليه مسلي ديما حقيق دهنو

من لا اسطاب ولا درج بين الريام كيساني

ووثار عود والغاني

هداك غير خليه محيط عيشتو فغبنو

ملا انحال ولا هزوغيوان بين المغاني

اقساه حرك اسجاني

هداك من الهجر القاسي الحمار خير منو

من لا يبات يرثي وينزل في طريز المعاني

ملسوع عادم وفاني

هداك ماسكر بمدام بهيمة كفاه تبنو

من لا رقا وتادب قدام اريام زهواني

هداك ليس يهواني

هديك سيرتوولد البقرة كودو فودنو

اللازمة

قولو للالة باني باني يا القاصرة باني

اجي مراصم مكاني

كي المحاور وطول الغيبة ما قدرت عنو

انت مسلية في بهجة وانا غريب الوطاني

مفروق عن من بغاني

انت مسليا وانا بيك جوارحي تشطنو

انتي عالزهو وفرجة وانا مريض فكناني

ولا طبيب دواني

انتي معافيا وانا قلبي في قياد سجنو

انتي على سريرك وانافوق اللهيب مبقاني

مصلي بدمعة عياني

انتي زيان حالك وانا حالي ازداد حزنو

انتي فطيب نومك وانا نرعى نجوم ديجاني

ما رام نوم لجفاني

انتي مسكنة وانا بيك دواخلي تسكنو

انتي لذاذ قوتك وانا قوتي مرار بمحاني

حتى شفاو عدياني

انتي مخنترة واناقلبي والعضام وهنو

انتي الكاسباني وانا المكسوب من الوصفاني

كحل لخدود سوداني

انتي المالكا والملوك اللا يحنو

انت الجارحني وانا المجروح عادم وفاني

سيف الغرام مضاني

انت الغالبة غلبك ساكن في صميم وطنو

انت السالبني وانا المسلوب جاحت ادهاني

طغى هزاك ودهاني

انت الفاتكة بشفار عينين ليس فطنو

انت الهالكني وانا المهلوك دابت بداني

جيش الغرام رشاني

انت مطرحة وانابيك جوارحي توهنو

انتي مسلمة فيا عقلك يا العارم نساني

وجفاك طال فكناني

انت على عقيلي من غير هواه طاح جنو

انت قويم قدك عن حالي يا علام عثماني

يا رمح غاير ثماني

والسوالف ريش غراب جوانحو تدنو

غرة هلال وجبين كشارق في ظلام ديجاني

واقواس رادت فتاني

واشفار ساهية بالغدرة حرباتها يطعنو

وجعاب لايمة تغزي قلب من اللحظ غزلاني

فيها سهو وحرشاني

اويح من لقاوه يوجدمن دقتو كفنو

والخد من سكلماسي وردوفي حمايلو فاني

ولا شقيق روياني

لكن منهم غنم الزهر معاقدو وحسنو

والانف كن طير مقرنص يحضي روض لفاني

ولا ركاب سوساني

والفم خاتم مدهب ما دركوفنون وزنو

وثغر كجواهر بمراشفهامثيل مرجاني

ولا عقيل عقياني

والريق من خمر والجيد مهر في بلاد وطنو

ونهود كتفافح بانو نحكي في روض روياني

فوق رخام يماني

وبطن من الكمخة وعكون السندسي يضمنو

سرة مخوصرة والردف المالي طغى برجحاني

خصرو رهيف عجفاني

وفخاد كاسواري ف القلب جمارهم كمنو

والساق في مجوسباني ولقدام رنج بستاني

ومحضين بحناني

نطلب خالقي عن رسمي خطواتها يحنو

هاك البيب برود خماسي من صروف ميزاني

رطلو حقيق لوزاني

وختمت السلام لهل الموهوب الفاهمين فنو

__________________

» الفن والسياسة
» الفن الرائع
» الفن عمل رائع
» شعراء الأندلس
» شعراء مخضرمون