كما ابعث اليكم بقصيدة من الملحون
من نظم الفقير الى رحمة ربه
يامولايا طال ذي الضر عليا------ عبدك راه ضغيـف خفف وجغاتو
بجاه المرسلين كامل في الدنيا------ والانبيا كل واحد صيـفاتــو
بجاه الصالحين واجميع الوليـا------ و الامام اللي الامة تبـعاتو
ظلموني من حبهم جار عليـا------ قاسي حكم الحب واصعيب نعاتو
كدر مثل الغيم ضبب عينيـا------ نور الامل ذي العجاجة غطاتو
ربي ربي انت العالم مابيـا------ لمن يشكي العبد يفشي ليعاتو
فرفر قلبي طير تايه في حنيـا------ ومجرى خدي مايفارق دمعاتــو
ماهوعني بعيدوانقول الدنيا------ ويجي يوم اللي يطفي جمراتــو
قدامي مزال ماغاب غليـــا------ بصح عقله مايحبس رحلاتـــــو
شارد طول الوقت ما عابي بيا---- ماني عارف واش من بحر اداتو
ساعت صبري مشات من بين يديا------ والبسمة ذي سنين وجهي هجراتو
تعرفني ياخالقي درت النيـا------ والماضي مابعيت نقلب حجراتو
قاسيت الويلات من عشق وليـا----- ركبت شيطانها وقلبي جرحاتــو
بعد اللي ولفتها زهوالدنيا------واللي مخفي في كناني عرفاتـو
ما باخت بسرارها والو ليا------ ما ردت لحبيب قاسى فرحاتــو
بعد اللي بالحب كان مبليـا------ زوليخة ياك فيك يوسف عشقاتو
كاكي من هجرانها طال عليـا------ ياربي واتعود كي وقت انساتو
نتحكاو سرارنا كل عشيـــا------ واتفاجي للقلب اهات عياتــو
يرجع معنى حياتنا ذيك مزيا------ يحلى طعم الحب تطوال حياتـــو